ذبحـك حـلال ‍؟

يا رهيف الحس يا عذب الخصال
المحبّـه لـد عيـنـك يمّـهـا


.


منت ناقـص ميـر لله الكمـال
فيك حاجه مـا قـدرت تتمّهـا


.


تنفعل وأنا مـا أحـب الإنفعـال
وتلبس الضيقه وتنفـض كمّهـا


.


لا تقول المسك مـن دم الغـزال
وأغلب الغزلان ما أثقل دمّهـا ‍؟


.


معتقلني يا هوى البال إعتقـال
شب نـارك والمياسـم حمّهـا


.


رز خشمك وأزعل وروح وتعال
والهبوب اللـي تمـرّك شمّهـا


.


مير جاوبني على قـد السـوال
ليـه تنثـر حيرتـي وتلمّـهـا


.


أن ذبحتك بالغلا ذبحـك حـلال
وان تركتك كل نفـس وهمّهـا


.


سقت لك كل الجـوارح بالعـدال
وأنت ابوها عقب جاتك سمّهـا


.


وصورتك لا جابها وحي الخيال
عيني أخطتهـا وقلبـي خمّهـا


.


لا تخليني معك مضـرب مثـال
أدعس الحيـه تمـوت بسمّهـا


.


خذ نصيحه تنفعك في كل حـال
كان لك قلـب ٍ كبيـر يضمّهـا


.


أعتقد ما يجهلك فـرق الرجـال
ولا يغرّك مدحهـا مـن ذمّهـا


.


أنتبه تعطـي لخلـق الله مجـال
شرهتي مابيـن أبوهـا وأمّهـا



مافي الكلام فايده يا سـداح ..


شاعر مبدع مبدع مبدع مبدع مبدع مبدع


صح لسانك وبس




محبتي وتحياتي