اتعبني الترقيم من سوق في سوق/// ( قبل البلوتوث)

السلام عليكم...

والله اني مدري مكانها هنا وإلا لا ... ........ المهم:ـ



يتهمني بعض الربع بإتهامات يعلم الله انها باطلة ولا لها أي صله بالحقيقة ... كنت ادافع واتجادل انا وإياهم ولكن دون فايدة ... قلت ياولد انا ورى ما اريح نفسي واتقمص الشخصية اللي هم يبون وانهي الوضع. الكلام هذا قبل حوالي 3 سنوات.

على العموم .... جاءت هذي القصيدة .....
وهي تناقش ظاهرة الترقيم .... بس المشكلة انها قبل يجي البلوتوث .... والظاهر البلوتوث ماله حل ...


الله يسترنا بستره


يقول .. ثامر ( اللي هو انا في الورقة)




[poem=font="Simplified Arabic,4,darkred,bold,normal" bkcolor="white" bkimage="" border="double,4,darkred" type=1 line=0 align=center use=ex num="0,black"]
اتعبني الترقيم من سوق في سوق = كنّي موظف في حراسات الأسواق

لزقت فيها لزقة علوك باطوق = حتى عرفني كل بايع وسواق

من شافني يقول تاجر ومرموق = في اللبس انا رسمي ورايق وذواق

وانا منتف في الحقيقة ومزنوق = حظي مجنبّي عن دروب الأرزاق

عقلي ..من الخفرات لاذع ومحروق = من يفتحون السوق وانا على ساق

الحق بنات الناس هايم ومطفوق = ومخباي مليانه من اركان الأوراق

شبّكت ( هند ) و ( وريم ) والثالثة ( شوق)= والرابعة والخامسة ( وعد ) و(اشواق)

دايم وجوالي على الآذن ملصوق = محبوبتي ما تحتمل بعد و فراق

تقول ( ثامر ) واسمي الصدق ( مرزوق ) = لا يابعد ( ثامر ) و( مرزوق ) و( اسحاق)

العب عليها لعب عاشق بمعشوق = وابني براس الحلوه جسور وانفاق

هذي سلوم اهل الهوى .... كلها بوق = اكثر ضحايا الناس فالوقت .... عشاق[/poem]


وسلامتكم


وجهت نظري في المسألة هي البيت الآخير.......... ودمتم بخير



المعذرة على اي قصور او تجاوز دون قصد.