ابن زويبن ورائــعه أخرى

.....




.....



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عدّيت في راس الطويل المطلّي=اللي يوصّف في دجى الليل لونه
عن الرجوم النايفه مستقلي=ترفا الحرار أوكارها في ركونه
عيني على العالي وأحب التعلّي=والطيب عالي والنشامى يبونه
وغنّيت يوم إن الغناء عادةٍ لي=اضبط معاييره وأخفّف لحونه
من خزنةٍ ماهيب خزنة مقلّي=تاجر وعندي بالرمايه مرونه
أرمي ليا شفت الهدف بيّنٍ لي=رمية ذريفٍ رميته من عيونه
ليا خطر بالصيد جاب المجلّي=عَدْلٍ قطرها والنظر مايخونه
لي صاحبٍ غالي ولا أدري وش اللي=خلاّه من يمّي تغيّر ظنونه
ليا عزمته مايشرّف محلي=وليا بحثته في نقاشه خشونه
وأزريت من راع الغوج والتغلّي=أمّا أمدحه وألاّ عطاني متونه
خلّه يولي .. والمولي مولي=ماينفع البائق لو إنك تصونه
مهف غربٍ مارجع يوم دِلّي=في راس حبلٍ ذايباتٍ منونه
عوّد يلولح بالهواء يوم تِلّي=والغرب بأقصى البير والجم دونه
ومهف طرشٍ عند الأجناب خِلّي=متكانفينه بأربعين مْعَنونه
لقوه في وصط المضامي مفلي=ماحال دونه من يعقّد ردونه
ماني مطيعك يارفيق التسلّي=دوّر خروفٍ تسحبه في قرونه
:
:
"عبدالله ابن زويبن المعمري الحربي"[/poem]