مجاراة للشاعر سعود القت في قصيدته الفكاهية( فحص زواج)

[align=right]سلام .....

أخي الشاعر /سعود القت في قصيدته المعنونة( فحص زواج)...و التي تغلب عليها الطرافة....و هذا رابطها(http://www.montada.mergab.com/showthread.php?t=23595)....

و سوف أوردها لكم أيضا.. و لكن الدراما التي استطاع بها رسم صورة الطبيب في ذهني ...زادت حزني و حنقي على ذلك الطبيب الماكر...الذي يفرق بين المرء و زوجه...
و لذا فلقد قررت أن أشمله بهجائي...أيضا...

و دمتم..
لأخيكم/
بدر[/align]


[frame="9 50"]
قصيدة سعود القت:
[poem=font="Arial,5,black,normal,normal" bkcolor="transparent" bkimage="backgrounds/40.gif" border="solid,2,skyblue" type=0 line=1 align=center use=ex num="0,black"]

قالو تزوج ثانيه دامك صغير = خلك مثل ربعك عبيَد ولافي
.=.
لاشبت مايرضن فيك الغنادير = الحق على عمرك اذا ماتخافي
.=.
دور وسيط الخير وادهن له السير = يزين جوك بنتهاي المطافي
.=.
وارثعت في عفشي وسقت التباشير = والله يستر لايطير اللحافي
.=.
قلت لوسيط الخير من دون تاخير = فز بلزومك واجعل السر خافي
.=.
وجاب الخبر راع العلوم المسافير = واستبشر الخاطر ورحنا لوافي
.=.
وشفت القمر والشمس وازكى النواوير = ومن كثر حرصي كن فيه خفافي
.=.
قالو لي قبل العرس يلزمك تقرير = فحص الزواج وقلت يالله ياكافي
.=.
وحاولت قالو ماتفيد المعاذير = ودخل بقلبي حيرةٍ وارتجافي
.=.
ثم اسحبو جيناتنا في قوارير = وقالو غدا كل النتائج تشافي
.=.
وجات النتيجه عكس كل التصاوير = وذبل العنب ولاحصله قطافي
.=.
قالت جيناتك كلبوها دواوير = انته سببنا قلت منك الخلافي
.=.
وجانا الطبيب وقال هذي مقادير = وشرح لنا مكامن الاختلافي
.=.
وخرب المزاج وعكر البال تعكير = وقمت افرك يديني واجر الحسافي
.=.
قالي وسيط الخير جونا مسابير = مير انسرق وافطن لنا لانشافي
.=.
ورحنا وطي بعد سبقتنا التقارير = وشاع الخبر وانا ضلوعي صخافي
.=.
وعودت يم البيت والذيب فالبير = وبربع دقائق قلت كل اعترافي
.=.
وحلفت ماعاد اعترض للمحاذير = واني مفكر بمهات الغدافي
.=.
ولاعاد اطاوع تايعين الاشاوير = لو امدحو ليَه عبيد ولافي

.=.
[/poem][/frame]

[frame="10 50"]مجاراة بدر بن ثعلي:
[poem=font="Arial,5,black,normal,normal" bkcolor="transparent" bkimage="backgrounds/40.gif" border="solid,2,skyblue" type=0 line=1 align=center use=ex num="0,black"]
ياسعود ...خل الياس عنك..و عسا خير= و ترا الليالي مقبلاتٍ مقافي
.=.
و اللي غبننا بس.... ذاك الدكيتير= ياعنك ما يزبن عليه امتعافي
.=.
يدق في قلب المراجع مسامير= يا مال مسمار ٍ به الاجل يـ ـافـ ـي
.=.
من بطن رشاشٍ جديد الشراشير=ليا ثار باروده يجي له طـ ـخـ ـافي
.=.
كمن طبه...ما يفيد المضارير= و قلبه على العشاق ما هوب دافي
.=.
و الله لو اني في مكانه....و انا بدير= ليصير نقص ٍ بالكريمين ...وافي
.=.
و أغير التقرير و اجيب تبرير= لين الكدر...يصبح للاجواد .....صافي
.=.
ما عقب تكسير القوانين تكسير= الا الخواطر ....كسرها....يامجافي
.=.
و يا سعود لا تحزن...على قسمة الغير= لو هي نصيبك...ما غدت يالسنافي
.=.
و الثانيه: رفقا بوضع القوارير= مادام في وضعٍ تشوفه... تَلاَفي
.=.
أم العيال إلها حقوق و دساتير= و الشرط فالثنتين عدل و تكافي..
.=.
و ان قلت لي دايم عيونك سواهير= و لا باقي الا تسري الليل حافي
.=.
و ليا زعلت ....اتقول لِكْ : خير ياطير...=..؟....لا خير في صبرٍ يبيح الخوافي
.=.
اخذ عليها الثانيه....والعن إعوَير= و دَور كريم ....جانبه ما يعافي
.=.
من اهل القرى..ولا من أهل المظاهير= كرام النفوس أهل القلوب النظافي
.=.
و الاجنبي...لو ما بالاجواد ..تقصير= ما حدٍ على بنته ..رضي بالمنافي
.=.

[/poem][/frame]

....
.....