ديوان الشاعر الكبير محمد الفهاد

بسم الله الرحمن الرحيم

هو الشاعر محمد الفهادالبرازي المطيري

وهو شاعر مختفي اعلاميا ويتمتع بقوة الوصف و عسر القوافي وهو شاعر من الطراز الاول

ونكتب لكم باقه من قصائده



( اشباه الرجال )


[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاتعتمد على العفون وتراكا = الميت ماتلحق وراة المطاليب
عين البغيض اللي تنوح وتباكا = ماحركت هاجس ولاصوبت ذيب
من لاذ باشباه الرجال وتشاكا = تظهر علية من حسناتة عذاريب
جنب ترى بعض اللحى ماتحاكا = ماكل ثوب فيه قرم ومواجيب
بالعرف ماذرية آدم شراكا = ماهم سوى من عصرلقمان وشعيب
يوم اختلط عشب الحجروالدكاكا = جيناوصاراردىالضيوف المعازيب [/poem]






(جرح الهوى)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جرح الهوى جرح خطير وذباح = تبقى علاماته على القلب والروح
له بالحشاء عندي زمانين ماراح = عيا يطيب وبلش العين بالنوح
يالله لا تجزا هل الحسد بنصاح = وراع الحسد جعله طريحا ومفضوح
كسبت من طرد الهوى ظيم وجراح = حصيلتي ونه على غير مصلوح
وجدي على من له بالاعماق مسراح = وجود رملن دمعها فايحن فوح
شافت ولدها ركزوا فيه الارماح = خمس غرزنبه طاح والدم سافوح
وقامت تعيط وترفع الصوت بصياح = تستنجد الشجعان والصدر مفتوح
وتفاقعوا كلن يبا كسب الامداح = في ساعتن لقطع الارقاب مسموح
يوم انجلاء عج المغيرات وانزاح = اضحى ولدها بطرف النزل مذبوح
ياقل سالمها وياكثر من راح = موقف قشر ماهو تلاعيب ومزوح
علىالذي حبه نبت نبت فلاح = فالقلب مالاعه سمومن ولافوح
ارجيه لو دونه مقاريد وشحاح = رجوا هل الطوفان لمرافقة نوح
مانساه لو ينقل جبل طي لرماح = ولاتشال طويق لجبال راموح
عقبه طريح ولاتهنيت بمراح = غابت عن عيوني مسرات وافراح
متاي ابكسب غاية القلب وارتاح = واحط في عيون الحواسيد ذرنوح [/poem]





(فرقاك)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عقب فرقاك يالترف الغضيض = وين انا والسوالف والقهاوي

كل برق تحدر له نضيض = فيه من لون خدك يالهواوي

سارح في شعور بك يفيض = بين ود ومواصيل وهقاوي

يوم اشوفك على البيداء حضيض = تفتن الناس عرضات ونخاوي

عود موز على دلو عريض = من فروعه يغرفون الرواوي

كل من لاعشق مثلك مريض = في هوى الغيد تلميذ عماوي

ليتني لك بها الدنيا بغيض = وان مالي رجا وابقى رجاوي

المحبه يفسرها القريض = فرخ شيهان والعاشق نداوي [/poem]



(وش جابني)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وش جابني في منة التبع والشيخ = وانا سماء ونجوم نجد تعرفني

كريم كف ولي مع الناس تاريخ = صحايفه تغدق علي وتصفني

إن طمنوا راس الطمان المفاضيخ = في كل راس مشمرخ عرم شفني

مادور الهزله بسوق الطبابيخ = ذباح حيل ويربح اللي خلفني

اشد من وقع السيوف الصراريخ = وبالين ريحان وتعال اكتشفني

لوم على وجه الليالي وتوبيخ = اموت عطشان ظماء وتغرفني [/poem]



(الشمس)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشمس لو به واحد(ن) يسكن الشمس = سكنتها عن قرب الانذال ونحوس

نسل الرخوم اللي نقانيقهم همس = في مجلسن ماهو من الشين محروس

تلقى قرايعهم بركض الردى خمس = يفرحبهم من لايرى الطيب ناموس

فرقي عليهم فرق باكر عن الامس = طمنتهم لوهم على حكيهم روس

لمستهم في حادثات الدهر لمس = حتى انجلا عن غيمة الفكر لابوس

الله خلقني في عيون العدو عمس = اعالج انفوس ن لها تزعل انفوس

لي خاطر مايرتضي لوعة الحمس = اليا تكدر ينصفق موت وطعوس [/poem]




(يانور نجد)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فرقاك ضيم وغيبتك كلها وجد = ياللي بقلبي من غلاه متواجد

يانورنجد ومن سكن في ثرى نجد = وحشتك وحشة ياسليل الأماجد

عشرتك مجد إن كان لاهل الهوى مجد = كنك وحد لوغيرك الناس واجد

أعذب من الغدق كلام العتب بجد = مثل السحاب اللي سرى الليل هاجد

ياحي لك عندي دقاق الغلا رجد = صدقة كريم وزعت بالمساجد [/poem]





(فرقى)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جهزتلك عقب المواصيل فرقى = أقصر ثوانيها أسنين وتفاريق
ماسامرت عيني من الود ورقى = يقفون بلونات بيض الغارنيق
معودِ رجلي على الكود ترقى = قلبي غرام للنايفات الشواهيق
عليك سجاتِ تقربك حرقى = ترعى الجسد رعي الجراد المدانيق
دوك العيون بشيمة البدو غرقى = تغضي حيا والناس عرف وتواثيق
أبطيت أخيلك ماصدق منك برقى = وّليتك أظهور الركاب المصافيق [/poem]




(الوجد)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تحن القلوب العاشقه والضلوع العوج = مثل ماتحن اللي من الذود منخلجه

على ناعم ن دونه طعوس ن زمت وفجوج = سباريت دو ن تقطع الحيل وتعلجه

من الوجد كني في يدين الرياح الهوج = تولجت طاريها وطرى والغلا ولجه

مع البارق اسبل ضيقة الخاطر المزعوج = تجود العيون ودمعه وجمره وثلجه

الا يابعد كل الطوايف هاك العمهوج = سلبني ودونه نازح البيد منبلجه

انا ويش عذري والهوى جاهل ن مرجوج = مقاديم رمحه بالحنايا لهن دلجه [/poem]





(أنا)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يعيبوني اصحاب الرخاء ما لقوا عذروب = لى ظن من يحجب سنا الشمس برقبته

جهاجيل قوم(ن) لو تعد العيوب عيوب = تخطريت كل(ن) بأسم جده وعذربته

أنا يا ضعيفين المعاني وطن ودروب = على الكود كم ليلٍ سريته وشيبته

تهز الرياح الهوج قلبي على النبنوب = تطير الضلوع وسبّق الطيب قاضبته

وان كان بطرد المها شق جيب وثوب = ترا ماني اول من رما الريم واذهبته

تتوب الليالي وان بغت لا تتوب اتوب = انا في ذرى الله وش ورى الذنب لا تبته

سريت الغداري لاجل عاشق وله محبوب = هكا الوقت لو عادت لياله عاتبته [/poem]




(عريب الجد)


[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أعدي نايفات من الزوامي = ولالي في مجالسكم مرامي

أحب المجلس العالي ونفسي = تقاسي والقسى حال الكرامي

أنا لاضاقت الديرة بعيني = خذيت الريش من فرخ القطامي

تنحرت الهبوب الساحلية = شمالية هواها شرق شامي

عديم ماتنقدني سوالف = ولايلحق ملاحيقي ملامي

عريب الجد ريف لمن نصاني = خوالي مثل ماسووا عمامي

تنشدني عن أصحابي وان اللي = على أصحابي مثل طش الغمامي [/poem]






(يامبهر الدله)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اعض كف وساكب الجرح ماجف = خل الندم ينفع قلوب النداما

والف حالي من صدوف الدهر لف = لفت هبيل ن للضعوف اليتاما

لو كل مخلوق ن على الغيب ياقف = كم حجة ن عنها يعوض الصياما

يامبهر الدله بفنجالها خف = لا تسبق الدمعه عطور النشاما

انا صويب وجيت من خاطرن عف = اغضيت والرجل الحشيم ايتساما [/poem]




(لعل بيتٍ ماتجيه المسايير)

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لعل بيت ن ماتجيه المسايير = تنهار جدرانه بلا ريح واعصار

يهزه اللي هز بنيان اقادير = هزة غضب فيها مبانيه تنهار

يسفي عليه من السوافي معاصير = شهب الرياح مشوشعة خضر الاشجار

هبيت يابيت العفون المحاقير = لا كاسب ن طاله ولا حاشم ن جار

ناس ن تبيع اذممها بالدنانير = يابايع الذمه نبا منك دينار

لون ان في درب الردى للردي خير = تلقى مخلين المواجيب تجار

ياللي تهوش وتطحن كنك الزير = اقصر على نفسك ترى شبورك اقصار

لو انت صقر ن ماجنتك الصقاقير = اللي من الغبشه يديرون الاشوار

عندي خبر ماهو زمان المناعير = هذا زمان مربية سحم الابقار

ولت عصور اهل الوفا والمشاهير = وهذي هي الدنيا تواريخ واذكار

اخذت في شهب الجزيره مشاوير = ترميبي ايامي من ديار لديار [/poem]




(الفاو)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سرى الليل ياسعيد وانا بين ليت ولـو =زماني مايساعدني وجرح الغـرام يـداو
بصدري جروحٍ مبطيات ٍ وشـي ٍ تـو = لك الله.. ياسيد هل العرف كيـف اسـاو
من الجادل اللي كن خده بـوارق نـو = مصابيح خـده بالدياجيـر بـرقٍ ضـاو
مظاليل عينه قاذفاتٍ من أرض وجـو = صواريخ صنع الروس ليلة هجوم الفـاو
عسفني بميدان الهوى ليـن حالـي ذو = ورقيت الرجوم وقمت اجاوب قنيب العاو
تمكن غلاه بمهجة الروح حتـى إلتـو = لجا.. والرجا باللي على كل خلقه قـاو
وجودي عليه ونار الاشواق جمر وضو = وجود أم ورعٍ حل حتنه وجـاه الطـاو
شريدة ظناها.. مالها إلا بنـات وهـو = تهشم بدمعٍ كن بأقصـى حشاهـا كـاو
على اللي زمالي دون وصله جبال ودو = بعادٍ مواصيله لو أنخى حـروف الـواو [/poem]




(الوسم ...الاول...!)
.
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شاقني مزن تحدر من القبلـه بـرق = في محيره ترتع النوق زينات الطروق

ساقته صلف الهبايب ورعاده طـرق = لين هز من الحشا كل مايكما الخفوق

غارق ببحورغيي وغيري من غـرق = والمحبه تجرح القلب وتمس معلـوق

راعي خديد ليا بـان المدلـع شـرق = حل في ظلماي نور ومصابيح وشروق

سارق قلبي وهو يقسم انـه ماسـرق = وأقسم انه ماسرقني مثل زينه سروق

يوم زل الوسم الاول ومرباعي زرق = مابقى الا الوجـد وتعاليـل البـروق

شاقني مزن تحدر من القبلـه بـرق = واقف واخيل نوه وانا أظنه صـدوق [/poem]





(سر وجهر)
.
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كم سهرت من الليالي على عودٍ نشاش = لين صافحت المشاريق في عين وسهر

ماكسبت من التجارب على خالي بلاش = كم قطعت من الجراهيد من ساق وظهر

برق ياللي مالنا منك غيم ولا رشـاش = جعل عين اللي تخيلك تموت من القهر

يوم كسرت المرابح وعديت المعـاش = ليني الظامي ورجلي على جال النهـر

المساري حطت الرحل والديره عفـاش = ذيب ياللي تقنب الصوت في سر وجهر

آه ياللي كل ماجاش في ذكراه جـاش = عاتبنـه ذكرياتـه وغنـى لـه دهـر [/poem]






(رد على الشاعر ضحوي الرشيدي)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اسمع نداي وجاوب اوتـار همسـي = مادام صوتي له مـع البيـد مـدراج
يكفيك عن التخطيط قلبـي ولمسـي = جرح(ن)بنى ضيم وهدم صرح وابراج
تاثيـر مفعولـه بعينـي وهجسـي = يقراه من ضيع زهر عمـره ازعـاج
حقيقة امسي اه لـو تعـرف امسـي = شي(ن)يهز ابكار اهل نجـد بخـلاج
ياماضي راح ومعـه طـال رمسـي = فيك الدهر ظلمه قتل صبـح الابهـاج
ذكرتنـي لا شـك يانفسـي انسـي = البعد عن ذكر الاسى طـب وعـلاج
رغم ان جوي من ردى الوقت دمسي = عندي رجاء تضحك لي عيون وحجاج
عل وعسـى مقـدم لياليـك ونسـي = وتغازلـك عذبـات الايـام بغـنـاج
يصفي ضمير(ن) للتصاريف نحسـي = وتفـرج عنـدالله مفاتيـح الافـراج
والا الزمـن لابـد مالـه يهـسـي = متقفي(ن) مزنه هبوب(ن) وعجعـاج
واليا استدارت حبلهـا مـا يمسـي = تقطع ظهر من يقضب الحبل بهيـاج
من منطلق عرفي مع ارهاف حسـي = اقطع علشان الخوي قفـر الافجـاج
انقل واشيل لخاطرك غصب وارسـي = رسوى جبل سلمى وابانات واسـواج
وعساي احقق ما بنفسـك ونفسـي = لو اني احتاجك مثل ما انت محتـاج [/poem]




((سمر الليالي))
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابنعـزل عـن جملـة النـاس واروح = يمديني اطلـع عـن غبـار المدينـه
يمديني اطلع وارقب الرجـم وانـوح = ممـا بعينـي عبـرة(ن) مستكيـنـه
جاوبت تغريد القميري علـى الـدوح = والدوح غصنن يابس(ن) مـن سنينـه
يا قلب ياللي طـول الايـام مجـروح = طـاف القطـار وفاتتـك السفيـنـه
يافوح كبدي فوح فوح(ن) على فـوح = فـوح الـدلال المكرمـات الثميـنـه
تناوشنـي وابعدنـي عـن الـشـوح = سمـر الليالـي والعـدود الضنيـنـه
لو ان لي حمرا(ن) من الهجن سرسوح = الحـره اللـي كـن فيـهـا مكيـنـه
كان استرحت وشايف درب مصلـوح = بيـض السهـال ولا مقـام الغبيـنـه
اليا عطت مع خايع(ن) خالي(ن)سوح = مثل الرعـد يبـرق وتسمـع رطينـه
اليا انثنت مثل السحابـه لهـا ضـوح = والا الطمـوح اللـى تحـرى جنينـه
ماودي اجرح خاطر(ن) ضامه البـوح = حزين واثر فـي الصـدور الحزينـه [/poem]



(ياالله)
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه راسي من الهم منضـود = والقلب كن به حزة النـوم رجـه

يلعب به الهاجوس كودٍ على كود = كني صفيف الماء على جال عجه

فياونتي ونه خلوجٍ مـع الـذود = تسمع لها في تالـي الليـل لجـه

والا كما ومنه حسيرٍ على الجود = خلـوه ربعـه للمعاديـن هرجـه

يونها اللي ماعرف بالهوى كـود = حبٍ صعيـب ووجعـةٍ مستلجـه

ضرب الخفوق وكل ما ون مقيود = ومنين ماهب الهـوى لـه يشجـه

فيالله يامنجـي مـن الهـم داوود = اغفر لعبدك واعف عنّـة ونجـه

اليا غدا همه له عهـود وعهـود = ودموع عينـه بالمحاجـر تزجـه

في جزةٍ لون بهابـرق ورعـود = استغفر الله كـان قامـت توجـه [/poem]

محمد الفهاد