حسابات فلكية

سلام

لعل بعض الشيء خير من لا شيء.

هاكم هاذه قرباناً لملكة ذوقكم،،،




[FRAME="12 50"][POEM="font="Arial,6, darkblack,normal,normal" bkcolor="transparent" bkimage="./images/backgrounds/48.gif" border="solid,2,blue" type=0 line=1 align=center use=ex num="0,black""]

...=...
الرجم يا اهل العِرف يتعِب صعوده= و ليا وصلته بان من فوقه ارجوم
.=.
بعد المشاهَد في شواهق حيوده= تبدي نجوم دارقت عنك بغيوم
.=.

و الرجم الاعلى لو تعدى حدوده= وراه نجم يترك الرجم مهدوم
.=.

وذيك النجوم اللي تبين محسوده= على علاها ....تحسد اقمار و نجوم
.=.

و حتى القمر يكره حقيقة جموده= و متابِعِه للشمس باللف و الحوم
.=.

ما حبها ....رغم انها من جنوده= و رغم انها تعطيه قيمه و مفهوم
.=.

لولا اعمدتها ما تعلا عموده= و لولا سناها كان ما عاش لليوم
.=.

ما همها، مهما جحدها، جحوده = تسعى جهدها لاجل تسلم من اللوم
.=.

سبحان مَن علم الفلك ما يكوده= و بامره يسير الفلك و الدرب مرسوم
.=.

اللي ربط سر الوجود بوجوده= ما تاخذه بالوقت غفله و لا نوم
.=.

و المعرفه، مهما تزيد ،محدوده= و لا كل سر ٍ هامه العلم معلوم
.=.

و مهما اتضح سر ٍ و باحت سدوده= بعض الحقايق تورث احزان و هموم
.=.

و ليا تساوى الحال نقصه و زوده= ليش العنا و الحزن، و الرزق مقسوم

...=...[/POEM][/FRAME]


و سلامتكم