الغربه : أول مشاركه

مساء الخير أو صباح الخير كلٍ بوقته

أول مشاركه واتمنّى تنال اعجابكم
كتبت بعيد عن الوطن: كنت لمدّة سنه خارج الكويت

ولو ان دولة الامارات تعتبر بلدي الثاني لكن مثل مايقولون ( المربى قتّال )

ااترككم مع المتواضعه واتمنى تنال اعجابكم






[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابو محمد مات وقتي ولا فات = ياطول صبري والليالي مهيله
أبيّت أبياتي بصدري ولا ابات = وارجع على موّال همّي واشيله
واقول من يحيى وهو بين الاموات = الصدر ضايق والمسافه طويله
ماغير أقلّب بالصحف والمجلات = وان عدّت الليله بوقت ألف ليله
أقطع مع فكري طوال المسافات = وتطري على البسمه المستحيله
وخيال نوف أغلى وأعزّ البيّات = طفله وتسوى في عيوني قبيله
ولامن طرت ضاقت علي الإمارات = وخيالها من وين مارحت أخيله
بسمة طفل تطري فبالي وبسكات = تاخذني بشوقي حدود المسيله
ويطري علي أهل الشرف والمروّات = وعودٍ مربّينا بدرب الفضيله
عودٍ معلّمنا نعسف الأصيلات = ونفوز بظهور الجياد الأصيله
من كبر قدره والقصايد جزيلات = كل القصايد في عيوني هزيله
أنطف عرق لا قال لي عدّ الابيات = ما احس قدمه في قصيده جزيله
والبعد والفرقا لمثلي معاناة = مثل الكرم عند اليدين البخيله
وفرقا الوطن آفه ومن ظمن الآفات = ماهو مثل فرقا الحليل لحليله
حدتني ظروفي لبعد المسافات = ولا انا مالي على الصبر حيله
احاول أقزّر من الوقت مامات = في كل لون وكل شكل ووسيله
لكن على كثر السّبل للملذّات = والله ما اخترت الردى والرذيله
لو كان همّي بالسّهر والبنيّات = ماكان كابدت الهموم الثقيله
وأخير عندي من طوال البنايات = ساعه على ظهور الرمك والكحيله
واللي يخفف بين غربه وضيقات = دعوى عجوزي بين فرظ ونفيله
الدرّه اللي قطّعتها المحاتات = أفدى قدمها وانكسر وانحني له
واليوم هانت مابقى غير ساعات = والله يوفّقني لطيب الحصيله
المقتدر رب الملا والسّماوات = ماغيره ان ضاقت علي اشتكي له
قادر مثل مارد موسى بالآيات = يردّني لأهلي ودار المسيله
والقى هلي واهل الشرف والبطولات = والطيب ورجال العلوم الطويله
واللي جهل همّي ومضمون الابيات = يجرّب الغربه سنه واشتكي له[/POEM]وسلامتكم

ملاحظه : ابو محمد هو اخوي الكبير ونوف بنته

خالي تحياتي