سالم الزير وزمانه الأخير!!موقف وقصيدة!!

اخوتي واخواتي السلام عليكم ورحمة الله
وجدت احد الاصدقاء قد سجّل اسمي في جواله((الزير))ولعله كان يظن بي كل صفات الزير الحسنة. فكانت هذه القصيدة التي ارجو ان تنال اعجابكم:

[POEM="font="Simplified Arabic,5,indigo,bold,normal" bkcolor="transparent" bkimage="" border="double,4,teal" type=2 line=0 align=center use=ex num="0,black""]ياللي تسميني باسم سالم الزير=أنا تراي الزير باخر زمانه
سالم قضى عمره شا جعـ(ن) وسكير=متنقلن مابين سرج(ن)وحانة
واليا غسل سيفه سمعله طنابير=وغنى بعد ذبح العداء ليل لدانه
وثاري تركته عند سيد الغنا دير=اللي سحر عقلي عزايم حنانه
وجدي على راع النهود المزابير=وجدالقريص اللي شروله كفانه
قالولي ادهن مفتق السير ويسير=قلت البلى الجوعان ياكل دهانه
عقلي غداء عندالعيون السواحير=اللي عليها القلب فاقد أمانه
اضرب على شانه طوال المشاوير=والحظ لا هالحين مرخي آذانه
صفّتلي الدنيا بوجهي طوابير=وعزي لمن مثلي يحدّه زمانه
كبّر علي الوقت اربع تكابير=عايش مع الحيين من غير خانه
وانا بشر مااقدر ارد المقادير=شاعرلياضاقت سلاحه لسانه!!!!!!
وا لا مهلهل لحتدم صدره يغير=لهاه !! من سيفه وممسك عنانه
يسقي ذباب السيف دمّ المناعير=ويسوقهم بالسيف لأخر ضنانه
ومن يوم عرش كليب عشعش به طوير=اختار موته عن حياة المهانة[/POEM]