الهجوس العوب ..

[poet font="Arial,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الاهدا الى الاخ العزيز

والصديق الوافي

مخلد غازي المطيري
[/poet]
[poet font="Arial,4,black,bold,normal" bkcolor="transparent" bkimage="backgrounds/8.gif" border="double,3,darkred" type=2 line=200% align=center use=ex length=0 char="" num="0,black" filter=""]


الهجوس العوب قامت تشوت القلب شـوت =والله ان بعض الهواجيـس ملعونـة ثـوى
كنهـا لامـرت القلـب والعالـم إخفـوت =سم ناب اللي بجسمه على السـاق التـوى
راكب اللي لاشتغل كنـه بوضـع السكـوت =جيب لاند كـروزر.. يدنّـي بعيـد النـوى
المديل الفين فآكس آر ماندّى زيوت =كن تمثالـه علـى مقدمـه لاعـب قـوى
يشتغل جنبك صلنصيل تقل بـدون صـوت =اشهـد ان اللـي تفنـن بصنعـه ماغـوى
ان وقفْ مقفي.. تقل شيـخٍ بحالـة قنـوت =وان وقفْ مقبل.. وجه فتنة اصحاب الهوى
جـادل لوشافها(عقاب)عاف(عقـاب) نـوت =وان لمحته معتـرض تقـل كبسولـة دوى
انسيابي ياخـذ اطـراف بـدي الجيلبـوت = كل ماتحده على اقصـاه والـدرب استـوى
يطوي ليافكـه الله مـن عيـون النحـوت =ازّود مـن الفيـن كيلـو وليلـه ماضـوى
عيبه مع الـدرب زود الرسـاوه والثبـوت = ثابـتٍ ثبـوت جنـدي قـدم رتبـة لـواء
غالي الاثمـان مركـب كبيريـن البخـوت =عزتـي للـي يبـا يشتريـه.. ولاقــوى
شهرته غطت على شهـرة ايـام الفـروت =لو قالوا عصره وعصرهـن ماهـو سـوى
نصه اللي واجب الضيـف عنـده مايفـوت =وراعـي دلالٍ غذاهـا عــلاجٍ للـخـوى
ابو (غازي) طيب الاصـل شيـال التخـوت =مايقول لمـن بغـا فزعتـه مالـك لـوى
مايقف مواقفه معظـم اصحـاب البشـوت =شاربٍ من منهل الطيـب ليـن انـه روى
قلتها..وان كشرت غيض نيبـان الشمـوت =ماحسبت حساب فعلـه طبـخ..والأ شـوى
ماتكلم غير عنـدي علـى هرجـي ثبـوت =والملامـه ذيبهـا حـول مخلـد ماعـوى
جعل جنسه من هل الطيب يملـون البيـوت =وقت مالفزعة هل الطيب يذبحـك الطـوى
الرجال اللي تزبنـكْ عـن ظيـم الوقـوت =كل ماشـان بنظـرك الوجـود وماحـوى
حالفٍ مانسـى معاريف (مخلد) ليـن امـوت=مايجازي بالـردى غيـر ملعـون الثـوى



[/poet]

مع اجمل التحيايا

لكم جميعاً