طلب واحد وتقدر عليه !!

السلام عليكم ،


العنوان أعلاه عباره منقوله حرفيا من أحد أهم أعضاء السلطه المرقابيّه .. اتصل بي وقال (( طلب واحد وتقدر عليه والله ماتردني اللي كانت توقيع حطها في المواهب !! ))


منقوله من التوقيع بعدم قناعه ..



يا طيّب القلب لا تزعل وصدرك يضيـق
____________ أطلق حجاجك على الدنيـا وصكاتهـا


ما دمت بالعافيه عايش و وجهك طليق
____________ تحمّد اللـي عطـا نفسـك معافاتهـا


الروح مثل البحر والهمّ مثل المضيـق
____________ ولو يلتطم موجها يا سـرع ضيقاتهـا


أنته بشر .. والبشر فيهم عدوّ وصديق
____________ والنـاس بالنـاس مبنيّـه علاقاتهـا


لا تترك العاطفه من نومهـا تستفيـق
____________ ألا مع اللي تصون الحـب فـي ذاتهـا


شف للمشاعر طريقه والهوى له طريق
____________ الضاويـه ودّهـا والسارحـه هاتهـا


أحذر من اللي لها في كل حاره رفيـق
____________ اللي لصفق الهـوى تسـرد حكاياتهـا


تلحق نجوم السماء حتى عليها تويـق
____________ والأرض تآكـل عقاربهـا وحيّاتـهـا


متفّرقه للنشامى مـن فريـق لفريـق
____________ تحلم في روس الجبـال تـرزّ راياتهـا


أماّ تجرّ الندم .. وإلاّ تشـب الحريـق
____________ ولابد تأخـذ نصيبـك مـن حركاتهـا


لو كل ورده صناعيّـه تبـثّ الرحيـق
____________ كان البساتين مـا نشفـق لورداتهـا



وسلمتوا ،،