الحفــل

السلام عليكم ورحمة الله
وأسعد الله مساءكم بكل خير
ليلة البارحة دعيت لمناسبة زواج أحد أبناء العمومة في الرياض
حضرها صاحب السمو الأمير سلمان بن عبدالعزيز بن سلمان آل سعود
وكان هناك أمسية شعرية وكان لي شرف ادارتها والمشاركة فيها بجانب كل من الأخوة الشعراء الأفاضل
عبدالله العصيمي ومصلح بن ربح السبيعي ومحمد بن عايض السبيعي
وقدمت فيها هذه القصيدة

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من بعيد الدار جيت أحمل سلام=للرجال اللي غلاهم فالضمير
جيت أشارك جمعهم والعز دام=في حفل ربعي متيّهة البعير
ربعي اللي مجدهم عانق غمام=لين صاروا للفخر مسك وعبير
المراجل عندهم عشق وغرام=وطيبهم يولد مع الطفل الصغير
في سنام المجد طاب لهم مقام=ولو أعد أمجادهم قافي يحير
الأكيد انه قبل عهد الامام=أرضهم من دونها السيف الشطير
والأكيد انهم حموا بيض النعام=والأكيد انهم حموا من يستجير
والأكيد انه ليا اشتد الزحام=يستعز الحظ فاليوم الكبير
والأكيد انه ليا سل الحسام=كالفحول الهايجة فعل وهدير
والأكيد انه ليا ثار العسام=وهاجت الهيجاء وجاء يومٍ عسير
ربعي قريشات لا يمكن تضام=فالمواقف فعلهم فعلٍ ضرير
كم عدوٍ حطوا لعمره ختام=وكم عدوٍ من سبايبهم كسير
للقرايب عز وللعايل كعام=ما نهاب الموت ولا نسمع نذير
من بغانا في منامه ما ينام=ولا تذكّر فعلنا عقله يطير
ومن نخانا حنا درعه والحزام=ما يهاب الخصم وحنا له نصير
في ذرانا الأمن ويطيب المقام=ومن قديم الوقت دلّهنا القصير
انشد التاريخ وانشد هالعدام=وكل عاقل يشهد وصاحب ضمير
والقبايل حقها له احترام=ما نغط النور والفعل الشهير
قالوا إن النور ما يشبه ظلام=وأنا أقول إن البحر ماهو غدير
ومن شمال الدار جيت أحمل سلام=للرجال اللي غلاهم فالضمير[/POEM]

وسلامتكم