سبع العجاف

بسم الله...



السلام عليكم ورحمة الله وبركاته


ارجوا لها الرضا ...........


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت القلم ما خط حرف ولا طرا فيه اختلاف=ما هكذا تقرأ بربك لو تدارست الحروف
أنا أمانيه تشع بكل نور ولا تخاف= ماهي على تفسير ظنك لا يبادرك الوقوف
يا ولد أبوي بذمتك وش جابها سبع العجاف=وأنته سواد العين وسط القلب قدرك ومعروف
أنته أظنك فاهم المعنى على بند العفاف=والله ما قصدي على هذا ولك مني حلوف
قصدي نصيب وكل قسمه سطرت فوق الصحاف=وأنا العوض عندي سجود الشكر لله الرؤف
وترى النصيب أبيه مؤمن عند حد الاعتراف=أبيه في سجادة الطاعة إلى قيل مخلوف
أنته تشوف أن الزمن أصبح أبه ناسٍ خفاف=حادت عن الدين الحنيف أتشوف وإلا ماتشوف
وأنا ترى قصدي عليهم مارضينا بالخلاف=لو كان ماودي تغير نظرة القلب العطوف
والله عفناها حياه ولا لنا فيها حساف=الا بيوم ٍ ما عملنا خير أبه فوقه حسوف
أموت بالتوحيد لله والشهادة بالمطاف= أوحده أبكل أنفاسي فلا غيره رؤوف
والحمد لله والشكر أختم بها في كل قاف=حمد ٍ لربي ماتغيره الليالي والضروف
[/poem]


.. سعد غازي ..