جـاورت ربـعه !!

من دفـاتري القديمه.. اتمنى لهـا القبـول

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]طاريً طرا مااحلاه من طاري = مبداه خير وطلته خيره
امسى معي وامسيت سماري= واصبح معي وأصبحت في حيره
مدري أجيبه وأبدي أفكاري= والا أخلي السر في بيره
ويوم انغلق دربي ومعباري= صبيت من صدري تعابيره
فكيت عن مستودع اسراري= وشيً خفا عجلت تحضيره
عاشق ولو يزرى بي الزاري= والعشق جاله داخلي سيره
سيرة غلا ماحدن بها داري= الا حبيب الروح ماغيره
المترف اللي زانه الباري= سبحانه اللي زان تصويره
بالحسن يمشي ماله مباري= لولاه ماصاب البني غيره
نظره عيونه سهمها ناري= من صابته تسرع بتدميره
ذكرته بدربي وانا ساري= تحداني اشوقي على الديره
لاجله بعدت اخطاي واسفاري= مامل قلبي من مشاويره
جاورت ربعه وانورت داري= وشلون لو لي مع هله جيره
ارجيه رجوى الذابل الواري= للري لا ابدى الغيم تقصيره
دامه ذراي ليا بدا الذاري= لامن همي جا باعاصيره
اموت فيه وهذي اخباري= سيرة غلا ياحلوها سيره[/POEM]