الشاعر العلـم بندر بن سرور و (القصيـدتيـن)

مرحبا بالجميــــع


صباح الرضــــــــى


اولاً / عساني اوفق في مكان الموضوع


ثانيا ً / ياليت اوفق في طرح هالموضوع ومايكون مكرر


وبصراحه الموضوع عن شاعر علم من اعلام الشعر له قصيدتين


احداهما كتبها في اولى حياته والاخرى في آخر حياته


والقصيدتين فيهم من الجزاله مايكفي ومن الحكم مايغني..


وان كان اغلب الناس يعتقدون انها قصيده وحده ...


الاولــــــى

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالله ياجال الامور المهمه = تجلا وهج قلب ٍ برا الهم راعيه

البر دجته والبحر رحت يمه =وادرج سبب حظ على الله مساعيه

يوم ان ولد اللاش رزقه على امه =رزقى على اللى ميت القشع يحييه

مانى وانا بندر ابيّاع دمه =يقطعك يا بيّاع دمّه ومهفيه

اللى يبيّع لابسات الازمه =ثور ٍ يبا بيض العماهيج تغنيه

يزعل اليا جت ليلة الدول يمه =ويرضى بسوق المال بخوه و ابيه

خطو البخيل اللى يكّبر معمه =يقرا الكتاب وواجب الله مخليه

اما هرج لك يا رفيقه بنمه = والاعطا وامه اتضيّع هقاويه [/POEM]




الثانيـــــه

[POEM="font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامل قلـب كـل مامـات همـه=دارت دواليب الدهر لين تحييـه

فراق شمل النـاس عيـّا يلمّـه= وقت يشيب الراس من شارة ٍ فيه

احد ينام وحـط راسـه بكمـه =واحد تخم النوم عينـه وتخطيـه

واحد يحاول بالردا بنـت عمـه= واحد يحاول ستر عذرا عوانيـه

تخالف الانظـار شـرق ٍ ويمـه=كل هدف رايه من الناس مرضيه

انشدك ياللى كـل شـى ٍ تتمـه =تقرا الكتاب وكل فرض تصليـه

ويش القليب اللى عميق ٍ مجمـه= ما سر غرسه ماه عطشا سوانيـه

سم السبب يا عارف عنه سمـه= سم السبب يا عارفه قبل اسميـه [/POEM]



للشاعر العلــم بندر بن سروور الله يرحمه ويرحم امواتنا


واموات المسلمين اللهــم آآآآمين


والسموحه على الاطاله


اختكم فوق الثريااا