مجوهرات الذهب

الحمـدلك يـاعظيم الشان والمنـه = ياحامي البـيت والكعـبه مشرفها

عفوك ورحـمتك يارحمن والجنه = ونفـسي بعسر ومكـاره لاتكـلفها

وفـرق هواجيس قلبٍ يوم يشعنه = كنـي من الـنار و البنزين أعلفها

لامرت القلـب يـبطي ماتعدنـه = تصـدر جمـوع وجمـوعٍ تخالفها

أما تصـبح بهـا و الا يماسـنه = من شيـن حظه تقول أنه محالفها

ولا لي جدا فالهموم وزفرت الونه = ألا اني أصـد وأبعـد لين أصرفها

وأرقى بفكري على ماطال لين أنه = يـنزاح هـمٍ برى حالي ونحـفها

وأسرج مهـارٍ جزيل القـول يزهنه = تصعب على من فقدها إنه يزيفها

بنـات فـكرٍ إليـا داجـٍن وحافنه = قطيـع ذودٍ سموم القيـض لا يفها

أعرف مـداهيلها وأعرف جررهنه = نـوادرٍ جل صاخـرها وعاسفـها

أشكال وأحـجام حتى أعمارها سنه = يحتـار فيـها الخبير اللي يصنفها

تمشي بطـوعـي وصاف العد يردنه = و أنا بخيصٍ بها وأعرف وصايفها

قمة جبـال الشرف والعـز يرقـنه = ولا تـظهر ألا منقـيها وحايفـها

أبعد بهاعن مجـال الشـك والظـنه = وأصـدها عن كـلامٍ مايشرفهـا

وأنهـج بـها منهجٍ ما يختـلف فنه = و مطيت الشعر جزل الشعر رادفها

اليا سمع نهجـها العاقـل يشوشنه = و الا هل النمنمه تخرس مسولفها

حـطـاب لـيلٍ عيـونه مايـقـدنه = سوالـفه قبـل لايجلس مراصفها

ويقـال له ناقـدٍ بيـطار لـو أنـه = المفـرده لـو نشـدته مايعرفها

ومجوهرات اللذهـب في غير أهلهنه = لـو أنـي أحتاجها ماني بصارفها

ياسلام عليك يامحمد
والله شعر جميل وشاعريه راقيه
صح لسانك
وتقبل صادق الود