لامتـى ى ى ى ؟؟

ياخويي طالبك عطني بعضك .. وهاك كلي
================بس لاترخص ثمن نفسك على وده وهاته
لامتى تبقى هدف .. بين المعلي والمدلي
=================المدلي ثبّته .. لين المعلي جاء وشاته !
لي زمن مانيب غافل .. مار ماش أحدٍ فطن لي
================والضمير الحي جعل الله يبارك في حياته
تسان ذقت المر فإدر إن الحلاوه ماتحلي
=================من تكلم دون حق ومنفعه ياجب سكاته
الله أكبر ياسنين روّحت ضحك وتسلي
================== كل منا تعجبه في صاحبه كل احركاته
كنت أعزك في زمانٍ فات .. وأرحّب وأهلي
==================وأفتخر بك ياخويٍّ ماحدٍ سوّى سواته
ثم مدري وش حصل لك .. وأنت تدري وش حصل لي
==============تدري إن الأول تحول .. والزمن درات رحاته
صار شئٍ عالمي غيّر محلك .. عن محلي
================فيه صد وفيه كره .. ومختلف في حدّ ذاته
والله إني ماكرهتك غير لأنك :




































ماتصلي !!

=============وأنت تدري ويش سمّى المصطفى ( تارك صلاته )
لازم إنك تعرف إنك في خطر .. وإنك مولي
=================عقب مرسول الهدى وصّاك وأهملت بوصاته
البنادم يعتبر مخلوق كائن حي .. (واللي
=================يفرقه ) عن كل خلق الله .. ذنبه، وحْسناته
والعقل لاضيّعه .. تلقاه فالدنيا مفلي
==================فالمدن وألاّ سرح مع ناقته ووزان شاته !
ابتدانا بالكلام وقلت لك .. لكن قل لي :
==================== انتهانا ( بالسلام ورحمة الله وبركاته )













الله الله الله



ياعبدربه




اعجز عن التعبير



ولكني بكتفي بانك شاعر تعجبني شعرا وشخصيتا



الله عليك وجزاك الله خير



والله يهدي من يشاء


وهذه القصيده تعكس لنا شخصيتك الرائعه وايمانك القوي واهدافك الساميه فالصداقه





تحياتي وتابعتي لهذه الدرر