(*(( ثلاث شهور))*)

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سقى الله ياعطا قمح السنابل فالبراح البور = بعد يبست معاليق المحبة فاقرب احبابي
تعبت استنزف امطار السحابة واكشف المستور = على صفحة تعابير إختناقي فاوّل كتابي
وانا مابين طعنات الظلام وبين جرح النور = أدوّر في مفاتيح الحياه اللي قفل بابي
ثلاث شهور! لا والخالق اكثر من ثلاث شهور = وعيني ما وصلها شي من حنّية أهدابي
تمادت وانكسر غصن الغرام وهاجر العصفور = وضاقت به سماه وضقت منه وضاقت ثيابي
دخيل الله ياشوق المداين والقرى والدور = ماعاد اقدر على خنجر خطاك وزفرة عتابي
تعال وشوف وش سوى لهيب النار فالتنّور = بعد ما حطّم امال القناديل احرق اعصابي
اجامل واتجاهل واتحرّى الشوق يلعب دور = وانا ماغير انتّف ريش جنحاني بمخلابي
ولا ياليت لاصحاب القلوب الطيّبه دكتور = ما كان اشعبت لأسماع الخلايق ضيقة ركابي
بامانه يا شبيه الورد والريحان والكافور = وش اللي في غيابك صبّرك غايب عن غيابي
وانا لامن ذكرتك كنّ خفاقي على دافور = واذا شمّيت ريحة ذكرياتك سيّل لعابي
اثر بعض القلوب تموت حيّه لو تعيش دهور = واثر بعض الغلا مثل الحياه بعين الأعرابي
تراك اذنبت في حق المشاعر وانت دون شعور = ولا يمكن تحس بثورتي في راس مرقابي
تبا تعرف وش احساس القهر فالعاشق المقهور = تخيّل لك رهينة واقعه في قبضة ارهابي[/POEM]