((( الــذاكرة منجــومة ))

عذراً للإنقطاع
و
للتواصل مع المرقابيين الأعزاء ,
اليكم هذه المتواضعة ,

---------------------

[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعيطموس الشعر وش مفهومه = ارضيت قيفاني وانا زعلاني
سهرت ليل الصيف اعـد نجومه = يا قصر ليل الصيف لو وداني
يم المدار ولاعرفت رقومه = وارسلت له رقمي مع العنواني
وشفت النجوم السارية منظومة = وعديتهن مير العدد يخفاني
ورجعت اشوف الذاكرة منجومة = واضن كبر السن قد نساني
تهت الطريق و خطتي مرسومة = يوم انتهى بي هاجسي ما امداني
و اثر المشيب مشتتين حلومه = جاني بحلمي واحد(ن) ناداني
قال انت ياللي مهتني بالنومه = ليتك تفسر حلم قد صحاني
بنت(ن)تصيح تقول انامظلومة =لا تزرعون الخوف في وجداني
مهما كسا جو الغرام غيومه = تمطر مشاعرنا غضب تنعاني
تدرج رحى الايام ولها زومه = والنوم قالوا في المثل سلطاني
ياشرقنا اللي مبلشه برشومه = يطرد ورى الرابح وهو خسراني
شبت شبوبة والدول ملغومة =من كوريا المطلب خضوع إيراني
والعالم اللي حاكمة محكومة = يا سوريا بوابتك لبناني
خطة تحاك وخارطة مختومه = والحزب جاب العيد قبل يداني
وعطيته التفسير والمعلومة = يا مبتلش لا تنشد البلشاني
دام السيوف الصارمه مثلومة =كتّم على حلمك تراه اشقاني
البنت صاحت صيحة(ن)مزعومة=لا تستثير العاطفة للجاني
ستين عام نعيش في ديمومة =ولا نعرف الصاحب من القوماني
[/POEM]