قلب بدوي

[POEM="font="Simplified Arabic,5,darkred,normal,normal" bkcolor="coral" bkimage="./images/backgrounds/11.gif" border="outset,4,crimson" type=1 line=0 align=center use=sp num="0,black""]ما عصاني خفوقي قبل طيفه يحـوم=لين شفت الملاك بـصورة الدنيوي
عقب ما شفت زينه لا نجومي نجـوم =ولا علومي علوم ولا كلامي سـوي
كنت احسب ان قلبي قبل اعرفه جزوم=لين شفته وصار الحال حال جــلوي
لا تهـــنا بـصحو ولا تهنا بـــنوم =يالـمسافه تعالي يالدروب انطوي
لو تمادى برمشه كان صارت علوم =ما يعرف ان صدري فيه قـلـب بدوي
يعشق عيونه اللي صوبت له سهـوم =تستوي في خفوق من الوله مـستـوي
فاتن في دلاله واشـهد انه ظــلـوم=ما يعـرف العداله قـلبه الانـثـوي
ان تنهد تنهد عن لـهيـب السمـوم =وان تـبسم تـبسم جمرتين اكتوي
وان بكى قلت هذي دمعتين الغيوم =من عيونه يقول اشــرب ولا ترتوي
كل ما اقبل يصد وكل ما ابعد يلـــوم =ظاهره صــد لكن للغلا محتـوي
جاير في غرامه ما يعرف السـلوم =يوم شاف ان قلبي عاشق مهتــوي
لا تركني اطيح ولا تركـــني اقوم =من عذابه عرفت ان الهوى فوضوي
لا رحمني بضعف ولا بقــوه رحوم =فيه باس المعادي فيه لِـين الخوي
رغم ضعفه سلبني قوتي والعزوم =للامانه ونبضي كان يدوي دوي
قال لا تستهين بلين طرفٍ يســوم =ما ترك فيك ضلعٍ ما يجي ملتـوي
قلت محتاج ضعفك بس وقت اللزوم =وما يهم ان تعزوى بالضعيف القوي[/POEM]