الله يالمحاورات القديمة ( المسعودي والجبرتي )

حينما يحضر المسعودي والجبرتي بثقليهما إلى الميدان فلا تتوقع أن تسمع محاورةً عادية . وإليك الدليل : ـ

المسعودي : ـ
يا سلامي على اللي طال عني غيابه ***** والمغيبة بدون أسباب فيها وفيها
صاحبٍ مشلحه ضافي وغاطي ثيابه ****** لا حرارة سمـــوم ولا غبــاراً يجيها

الجبرتي :ـ
مرحبا يارفيقاً جابنا الله وجــــابه ***** كل مـا جـات بيعة غالية يشتريها
يوم أحضّر كتابي غاب عني كتابه ***** في ليالٍ يحضْرون الرياجيل فيها

المسعودي : ـ
ما معي شك في خندف ولافي شبابه ****وإن مشتْ ما هجرْنا راسها في يديها
كم عقولاً ما تعطي كل شيٍ حســابه **** تعرف اللــي لها ما تعرف اللي عليها

الجبرتي : ـ
ماش عودٍ يشيب ويغتني عن شبابه **** والولد يذكر اللي قلب عوده نسيها
أنت هايب وحنــا اللي لنا ما نهابه **** وإن هبطنا نبي مقضــاتنا نقتضيها

المسعودي : ـ
ما عينت الفقيه اللي قريتوا كتــابه **** من حــروفٍ كتـــبها واحدٍ ما قريها
ما تطول المراجل في يدين العصابه **** والفراشة ما تقطع جوع من يشتويها

((( والفراشة ما تقطع جوع من يشتويها ))) رحمك الله يا عبد الله المسعودي


والسلام ،،،،،،،،،،،،،،،،،،،،،،،،،،،،،