في هامش الصدر .. مانشّيت

السلام عليكم جميعا ً

\
\
\
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كل ٍ يهوز البحر ولا ّ يعومه = وانا على هوز المحيطات .. مليت
مليت .. اسالم حلم تبطش همومه= وحزن ٍ كتب في هامش الصدر .. مانشّيت
.. يا مفارق ٍ والوقت مانيب الومه .. =قفيّت.. عني ّ يوم انا عنك ّ.. قفيّت
دام .. القدر .. والعمر .. أقوى خصومه = الحب يرضخ غصب ماكنّ به جيت
لكن لا تفطر على الحب .. صومه = (وان قلت لي بنساك)! ماكنّي .. أوحيت
أحلامنا .. عقب الزمان .. مهدومه = (وان قلت لي بروح ) !.. مبروك واقديت
مالله كتب للخلق عمر ٍ يدومه = وانا .. مع الاوهام .. دمت .. وتماديت
مليت وآمال الليال ..معدومه = واحس في راسي جنون وعفاريت
تو ّ السهر حي ٍ ولا حان يومه = يبطي على عين ٍ بكت صبحي .. الميت
الليل والقمره .. وسربة نجومه = جابن إلي اهموم ٍ بقلبي .. طواغيت
بأسبابهن .. وبيوت شعري مختومه = من هاجس ٍ يتعب على مليّت ّ البيت
يا ليت حظي .. يدرج الحوم حومه = والمشكله لي وقت واقول .. يا ليت
صحيح .. نفسي .. ما تبيّح .. كتومه = والشعر ما قلته .. محاباة .. للصيت
الصيت ناتج .. فعل .. زائد ..عزومه = يعني يساوي .. صيت .. ياهل الحواتيت
بعض الاسامي في عيوني امحشومه = وبعض الاسامي في عيوني .. حتاحيت
اهل الردا .. ( اطس ّ ) ماهي مخدومه = إبحث خفاهم .. بين .. كدش .. وسرابيت
لعّانة المقفي وتكره قدومه = شلة ّ يقول .. وقال .. كذب وثراويت
كل ٍ بسوق الفعل .. يجهر بسومه = وصدور خلق الله .. سدود ..و توابيت
محدن جبرّه .. الوقت .. يسرد علومه = وان قيل له .. ويش انت فالعمر سويت
يدير راسه .. تيش .. مرخي كمومه = يكفيه .. من صيد الليالي .. فتافيت
لكن على الله .. يكتب اللي .. يشومه = سبحانك الله .. مرسي الفلك .. وارسيت
مابين تكبيره و سجده وقومه = في ساعة ٍ ما قامها .. مطفي ّ الليت
يا مكثر ذنوبي .. ونفسي ظلومه = عز الله اني بغفلة العمر .. شطّيت[/POEM]


ودمتوا