الرمح بدله الزمن بام شنكار

هذه القصيده رد على ابو عقاب، أحد أعضاء المنتديات الأدبيه وهو رجل مقرب احترمه جدا واعزه.

اتمنى ان تنال رضاكم واستحسانكم،

يقول أبو عقاب:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ياعالم خفيّات الاسرار=ياواحدٍ ماغيرك الاه ثاني
ياخالق الجنة وياخالق النار=وان قلت كن للشي يارب كاني
أرجوك في يومٍ تزيغ به الابصار=تجعل جنان الخلد يالله مكاني
من عقب هذا ودي اكتب لما صار=شيٍّ طرا لي عقب جور الزماني
هذا الزمان الي سقا ناس الامرار=وصارت معيشتهم بذل وهواني
من دون فاردا بين جرفٍ ودحدار=عيّت تعدّل يالله المستعاني
وميل الدهر يغلب على واف الاشبار=ميله على الطيّب عيانٍ بياني
دايم على الطيّب ميولٍ وجبّار=ولا عامل الطيّب بيسر ولياني
لو هو على الشّدّة عزومٍ وصبّار=لابد ينقطع الرسن والعناني
مر الحياة يبدل الدار بالدار=ومر الحياة يتعّب المودماني
ومر الحياة يجيب لك شين الاذكار=لو كنت عنتر ولك الأدهم حصاني
ومر الحياة الي هضم حق الاحرار=عقب العلا صار بنزول وطماني
كن الضمير مقطعٍ له بمنشار=وليا شكيت الضيم كلٍّ شكاني
ومر الحياة الي رفع بعض الاحقار=خلاّ لهم فالناس منزل وشاني
من صار عنده مال ودّوه الاقمار=لو كان بومٍ فرخ بومٍ هداني
لو كان مايدفع لهم ربع دينار=كلٍّ لقربه قال ليت وعساني
خدمة وفا للوالد من ابنه البار=بالفعل ولا حلو نطق اللساني
الله على من ياخذه فوق فكس آر=وودّاه جوٍّ مظميٍ مهمهاني
خلاّه يونس حر نار ابن عمّار=هو صح ولاّ لا ياراع المحاني
وتم الكلام الي به أوجزت الاخبار=ونظم القوافي طاعني ماعصاني[/POEM]

فرديت عليه:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

*=*
راع المحاني هيضه نظم الأفكار=جزل المعاني ...في جميل البياني
.=.

ثم قال: يابو عقاب ياعذب الاشعار=يالطيب اللي للمشوره دعاني
.=.

إن كان جايك "لوم" لا تطلب الشار= ناد الربوع مكملين المعاني
.=.

انخ القبيله و ادعها و إشعم شعار= و ابشر بعز و جانب ٍ ما يهاني
.=.

و لومك على رجل يقابلك بانكار= و من ينكر الوقفات يصبح مداني
.=.
و ان كان مقصودك من الناس محتار =الناس و ظروف الزمن و المكاني
.=.

إخْذ ْ إلـْـك شور ٍ ما تخَطّيه الاشوار =باذن الكريم.... اللي لهديه هَداني
*=*
.=.

الاوله هاذي تصاريف الأقدار= و دنيا ً تواعد كل عالي و داني
.=.

و ميعادها ..للناس خادع و غرار=و سنينها ما كنها الاثواني
.=.

ليا بكر الوسمي و طالن الازهار=و غنت بلابلها على القحوياني

.=.
عادن سمايمها و خلنه غبار=و اصبح ما كنه في نهار امس كاني
.=.
سبحان من يثبت و بيديه الاعمار =باقي...و غيره... بين هالك و فاني
.=.
كونه يسبح له بحمده فالاسحار=و له حكمةٍ في حكم شانك و شاني
.=.
آمنت به فرد صمد نافع ضار= و بكتابه الطاهر و سبع المثاني
*=*
.=.
و الثانيه يا بو عقاب الفلك دار=و المعرفه حلت محل السناني
.=.
و الرمح بــدله الزمن بام شنكار=و الليزر ابدل به رصاص الاماني
.=.
و ان ما شريت بسوقها حسب الاسعار=و الله لتصبح فالمجاعه تعاني
.=.
و ان ما ركبت البحر مع كل بحار= مخطور تقعد تنتظر فالمواني
*=*
.=.
و الثالثه، لو قلت: جار الدهر ......جار=قلت الك : بس الطيب ما ساع فاني
.=.
انشد ....و للتاريخ مشهد و محضار=على الليالي هزلها و السماني
.=.
صحايفه تروي خيانة سنمار=اللي بنى و انجز رفيع المباني
.=.
و خانه ردي الفال شرير الاشرار=و جازاه ربي و خذله يوم خاني
.=.
و أمست دواوينه ...خرابات و اقفار= وصارت بلاده للاجانب مغاني
.=.
و في صفحة التاريخ تذكير وانوار=ما يستوي فيها بريّ ٍ و جاني
.=.
ابو لهب ....عالي نسب ... بس وش صار=ما ورده ...ذاك النسب للجناني
.=.
و لو الجبان يلقبونه بــ مختار =ولد الجبان يعود ....ولد الجباني
.=.
عينه على الجارات كشافة اسرار=وسعادته تفريق شمل الخواني
.=.
و لو زان وقته بالرخا و اغرى الانظار= و قت اللزوم ...تروح عشره ثماني
.=.
*=*
خله يروح ،،، و يذرع الخط مشوار= قدام مركاضه ...يصير اهكعاني
.=.
و احذر تقربك الخفافيش للغار= غار ٍ لبومه فيه ....دايم...غناني
.=.
و اليا بغيت تصيد....تدري بالاوكار= لو ما يجيبن الجزيل التماني
*=*
ما قل دل و زبدة الهرج تذكار= الاولـــه بالله ، و ثيق العـ ـواني
.=.
ثم ابذل المجهود مع باقي الاخيار= و لا يستوي فالناس هادم و باني
*=*
[/poem]

و سلامتكم