سفير السلام

السلام عليكم

....


مجاراة لقصيدة اللحم والعظام ...لسفير الابداع وسفير السلام...ســـداح
....

إليكم مجاراتي عسى ان ترتقي لاذواقكم وذوق الشاعر المبدع ..سداح

....

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]النيه الطيبه دليلها الابتسام=واهل التهاويل تذبحها تهاويلها
مابين وقت الفطور وبين وقت الصيام=بُعدين..تحريمها يقرب لتحليلها
باقي من الوزن في الميزان واحد جرام=والله علم عن وفي الافكار وابخيلها
الشعر اربع مراحل وافيه بالتمام=عن اذنكم بس.. باوصف معاميلها
الفكره..الماء الزلال..وحبكها ..الاحتدام=والفبركه ..بنها..والفلسفه..هيلها
والشعر ..عرش الفقر..والذوق قائم مقام=تحليل فكري ..وخلق الله وتحليلها
وان صار في الناس سطحيه وروح انهزام؟=ماخلص المعضلات الا حلاحيلها
لهم علي اتقدم للامام الامام=وامثل القوم وانا قد تمثيلها
عسى قصيدٍ ما خلده الزمن للعدام=في مقفيات السنين وفي مقابيلها
وادقون من خلوا ادقون المعزه تظام=عسى الهنوف الجميله ماتغني لها
البارحه قامت الهيجاء وثار العسام=واهل الدواليل ماضاعت دواليلها
لا صار بين الصفوف العوج شبه انقسام=لابد من عزل قادتها وترحيلها
وان بان صوت الطموح اللي تصحي النيام=يحرم على اهل المداخل من مداخيلها
الله ولا مدورين الشر والانتقام=الا على حلها لاجات يا حليلها
مدري كلامي خطاء؟؟ ولا كلامي تمام!!=عرضتها للهبوب وصفت ارجيلها
والشوف يم اليمن ..والظن والناس شام=ياويل بعض البشر من ظنها ويلها
سداح..ودي معاك اسوق بعض المهام=حروفك العذبه اروتني مواويلها
قريتها واستبدت ياسفير السلام=وقامت معاشيرها تصفق على حيلها
عزالله انه عداك اللوم واهل الملام؟=على الملامه امكسرةٍ فناجيلها
ناشت على كفك اليمنى خدود الغمام=ودللتها لين شاق العين تدليلها
وان جاوب عتيبه الهيلا وفاء روس يام=اهل الوفاء لاوفت لابد نوفي لها
وان كان مسك الختام ؟؟يصير قبل الختام=اقول كل المصاعب زان تذليلها
ماهو يقدم على اصحاب الاشده مسام=اللي ليا كبرت القالات ترسي لها
تعال...يا اخر محطات الغلا والهيام=غيبتك طالت وانا احسبها وصاحي لها
والغيبه اللي تلف الفكر من الالتزام؟=كان انت عللتها !! وشلون تعليلها [/POEM]