())))))( خلك على حشمه )(((((()

السلام
عليكم ورحمة الله وبركاته
اخواني وأخواتي
الأحباء
أسعد أوقاتكم جميعا بكل خير
للتواصل
إليكم هذه المتواضعه
من الأرشيف
عسى أن تنال إعجابكم
وأذواقكم الرفيعه

[poem=font="Simplified Arabic,6,sienna,bold,normal" bkcolor="transparent" bkimage="" border="double,3,burlywood" type=2 line=0 align=center use=ex num="0,black"]
ما أخذت ثار كليب ياسالـم الزيـر=مفات من يوم(ن) عليك امحسوبـي
طبع الدهر بيـن ارتفـاع ومحاديـر=يزين بعض أوقات ويشيـن نوبـي
في حامي الكنه علـى طيّـة البيـر=ازريت أفيق من الضما من اغروبـي
في منتصف مرباع سيـد الغناديـر=وقفت حاير منزعـج مـن اسلوبـي
مكسور خاطر وألزم الصمت تشفيـر=عن نار قال وقيل ناس(ن) حكوبـي
القلب يكفخ مثـل مايكفـخ الطيـر=ويومي كما أوماي الشجر بالهبوبـي
أفتر دولاب الضمايـر كمـا السيـر=يدق به هاجوس مـع كـل صوبـي
دكت همومـه بيـن ورد ومصاديـر=شرق(ن) وغرب ومن شمال وجنوبي
وصاحبـي عنـي حدتـه المقاديـر=بينـي وبينـه سكـر(ن) الدروبـي
بحال عني بعـد لنـدن عـن النيـر=وألا بحال أقـرب مـن إزرار ثوبـي
عذب الخدود ابو النهـود المزابيـر=قلبي بحبـه عاصـي(ن) مايتوبـي
طيفه يصوّرلي مع الحلـم تصويـر=أفـز لاشفتـه واناجـيـه دوبــي
ولايستجيب لصوت داعـي بتعبيـر=صورة خيال بدون نفـس امحبوبـي
اصيـر مثـل المنّجـم دون تفكيـر=حلم(ن) يسوّي هالطبيعـه كذوبـي
الله يذكـر ذيـك الأيـام بالخـيـر=يوم ان أنا ويّـا المليـح العجوبـي
اخذت في روضة غرامـه مشاويـر=كل(ن) شرب من صافي الحب كوبي
حبي وحبه صـدق مافيـه تزويـر=الله يعلـم فـي خفايـا القلـوبـي
جاهل وأنا جاهـل وللحـب تبريـر=حكمه مجاز(ن) فيه بعض العيوبـي
يقول ويش الحب شرح(ن) وتفسيـر=وأقول لـه وأنـا خفوقـي يذوبـي
خلك على حشمه وشيمـه وتقديـر=وأبعد معي عـن مايثيـر العزوبـي
يامـن تخدّرنـي بحمـر ومغاتيـر=من بينهن حلـو المصفـا يروبـي
العب على كيفك وصم يـوم تكفيـر=كانك تحسب إنك على بـاب طوبـي
يمكن بما سويت تجـزاء زمهريـر=وأنـا بمـا سويـت يغفـر ذنوبـي [/poem]

وسلامتكم
عايض الرشيدي