اعتبــاري

السلام عليكم00

من القديم للتواصل00





[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تحسب اني لا نثرت الدمع بارْضخ لك و أجي لك؟ = لا و ربي ما خلق من هو يبي ينهي اعتباري
علميهم يا ليالي العز وش قد أشتكي لك؟ = من ليالي الهم والله شفت موتي وانتحاري
لا حشا والله يعلم ماني والله من حصيلك = أترفّع بالمكانه وساري ليل العز ساري
تذكر اني يوم احبك يومي بالعشره خليلك =أمسح دموعك ويطري في خيالك الف طاري
تذكر اني من غلا قلبك اضيع بحزن ليلك = أتبع النجمات والله وسط ليلي وانت داري
تو تذكرني؟ عسا ماشر؟ قلي من عميلك؟ = الخيانه في عروقك ليلنا يغشا النهاري
كنت فرحي والسعاده سيل مزنن يوم أخيلك= برق طيفك لا رعدته قلت لك بالحب شاري
مادريت أنك ردين ماتنعّم في مقيلك = أرخصك وأرخص مقامك ذوق مره حر ناري
لا تحسب اني أبندم واتبع المقفي دخيلك = والله اني ماتبعتك لو سرى ليل انتظاري
لا تعذر لي وتبكي شيل غدرك في شليلك = وأن حملته في شليلك انفضه ويبقا اغباري
بنت قومٍ بالكرامه صيتهم ايهد حيلك = خالها عز ومهابه بنت حمّال السواري
مات حبك في عيوني وكثرتك تشبه قليلك = منت كفون للعطايا قلبك من العز عاري
اي ابعلنها وتاصل كلمتي لحدود ميلك = ما رضخت الراس لأجلك ايه ابعلن انتصاري
مات حبك وانتهينا ماعلى الدنيا مثيلك؟ = واطين بالفعل مثلك ما يغير من قراري
لف غدرك ياجنوني واطويَه في حبل ذيلك = ولقني مقفاك واذلف جاك رد الاعتباري[/POEM]