مجاراة .. ( الطرقيّه ) !

السلام عليكم ،


قرأت للشاعر القدير / معدي المرقاب قصيدة بعنوان الطرقيّه على الرابط أدناه :-
http://montada.mergab.com/showthread.php?t=35118

استوقفني تمكنه رغم قصر البحر من سرد الظاهره بشكل متقن

حاولت اجاريه له ولكم المحاوله



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا معديّ وش سوّت فيـّه =اللي بعنوان الطرقيّه

نشدت المواهب عنها=قال اسمك هاذيّه ليّه !

الطرق قصيّر ومحكحك=والمعنى ميّه بالميّه

وفي هذا الطاروق الكايف=عندي قناعه شخصيّه

ما يبدع به غير المبدع=ماهوب حق إعليميّه

أيقظ سباتي و هجوسي=حرّكها عقب المرثيّه

مير اسمح لي وأصفح عنّي=لا جاريتك بالمعنيّه

اللي تقوله نشهد به=ونشوفه صبح وعشيّه

الناس الله لا يبلانا =فيها الخبل وفيها العيّه

كم واحد لا قام ينازي=من شاكلته نازوا زيّه

يمسي راكب له مجنونه=ويصبح راكبته جنيّه

إنسان ومليان هدومه=لكنّ مافيه إنسانيّه

ولو تنشد قالوا لك خلّه=في نفسه علّه نفسيّه

يفضفض يا عمي عنها=بين الشمس وبين الفيّه !

لا والله يا معدّي تسلم=منهم مافي عقلك شيّه

لاشك القانون الصارم=لو طبّق راحوا قطعيّه

من يضربّه عرض الحايط=ماهو كفو المسؤليّه

من شاف أوّلها وأتلاها = يرسل للقايد برقيّه

الحبحب جوها الحبـّابه=بالسكيّنه والجنبيّه ![/poem]



وسلمتوا ،