منفــذ عبــــور

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا بايره، قد بار بي وقتي قبل قلبك يبور=يا جايره ، روحي مثل ما راح ليل البارحه
روحي ، عسى من كان مثلك من دبورٍ في دبور=ما همّني من صدّ مني و أتركه ما آشارحه
غلطت يوم إني عطيتك وجه من قلبٍ صبور=لكن تراني ما أتحمّل كان جتني قارحه
نفسي عزيزه وافيٍ شَبري و وّافين الشّبور=و أكظم على غيظي و لو دكّت علي بوارحه
و إن ضاقت الدنيا علي دوّرت لي منفذ عبور=رزقي على اللي ضامنٍ رزق الطّيور السّارحه
تعبت من زرع الوفاء وين الجدا و الأرض بور=يا ليتنا من قبل ذا في مكاشفه و مصارحه
نبدّل أيام الشقا و نعيش ساعات الحبور=إلى متى و الحظّ يشكي من عدد مطارحه
قد قالها ربي (و ما أنت بمسمعٍ من في القبور)=الله يسامح من جرَح كبدي بكلمه جارحه[/poem]