اجمل تعليق مرقابي (2) !!

المشاركة الأصلية كتبت بواسطة غالب الشريف

خذي عندك هالنموذجين و حللي شخصياتهم :

واحد من العيال :
مطبي راعي سجه و دجه ولامنه رقد جلس ابوه عند راسه ونشده وين راح و وين جاء
و علم ابوه بكل شيء من طق طق إلى سلامو عليكم
و لامنه اصبح صبـّـحه الشايب صباح كلن يعدّه و توطى في بطنه


و هذا واحد ثاني :
بعض الاحيان يقوم من النوم و يروح يحوس و يدوس فالثلاجه يدور له عيشة ياكلها و لامنه لقى شيء كلاه و رجع و رقد و هو ما يدري عن نفسه

و هذا واحد ثالث :
يقول و الله اني ما اذكر اني شفت لي حلم في حياتي
يقول ارقد و النومه النومه لا حلم و لا شيء الين اقوم


الله يرفع عنا و عنهم ولا يبلانا

* انا بعض الاحيان افز من النوم مرتاع و متأكد اني هرجت مدري وش قلت خاصة اذا صار الحلم فيه اكشن

اخيرا
شكرا" لك يا مزون على هذا الموضوع القيّم الاكثر من رائع

رد غالب على موضوع مزون اللي يخص المتحدثين خلال النوم
أمانةً ضحكت لين ما عاد فيّ كبد على قولة ابو حمد خصوصاً على النموذج الاول
الغريب ان غالب يقول نموذجين في بداية رده وسرد ثلاثه ، يبدو ان الوضع جاز له

المراد انه رد أعجبني وعفاكم <-- كان من أول

لا يفوتكم اللي ملوّن بالاحمر