سلمان بن عبدالعزيز

قصيدة ألقيتها أمام صاحب السمو الملكي الأمير سلمان بن عبدالعزيز حفظه الله
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أستأذنك ياسيدي سلمان أببدأ بالقصيد=قصيدة لي الشرف لا من وقفت أقولها
قصيدةٍ فيها السمو ، وتحوي المعنى الفريد=سموها في منهي بمدحه تجر ذيولها
تختال فيكم -طال عمرك - يوم ترديد النشيد=ذكرك كساها أبهى الحلل من بعد جرد سمولها
سلام ياسلطان نجد ، ومجد أهل نجد التليد=يافخر سادات العروبة يابياض فعولها
يامنتهى مجد السمو وقمة العز المجيد=ياكل هيبات الملوك بجيشها وخيولها
ويامنتهى حكمة ملوك الأرض والراي السديد=ورجاحة أحلام الملوك بفكرها وعقولها
ياصامل الهدات باللقوات في باسٍ شديد=ياسلطنة شيخات نجد بعرضها وبطولها
حلم وتواضع والورع والزهد هذي لك رصيد=ومحبتك بقلوبنا مافيه شي يزولها
وش عاد أبذكر ياسمو المجد في مدحك وأزيد؟!=ومدايحك قبل أنخلق يندى الزهر بطلولها
لكن عسى الله يحفظك بالعز والعمر المديد=ويحفظ شجرةٍ ظللتنا وأذرت اللي حولها
ويحفظ ملكنا اللي بظله عايشٍ شعبه سعيد=اللي غلاته بالضماير ثابتات أصولها
وولي عهده نايبه نعم الأخو نعم العضيد=هو ظلنا يوم الحرايب يقرعون طبولها
وحنا ترانا درعكم ثوار في وجه الضديد=على عهد جداننا بفعولها وبقولها
اللي شروا في دمهم أمن الوطن لأجل الحفيد=هم جيش أخو نوره كعام المعتدين وهولها
يوم إن نجدٍ واسمها أم القد ما تغذى الوليد=ما أرخصوها ، والعمار الغالية ساقوا لها
وشلون حنا اللي ربينا بأمنها وعيشٍ رغيد=أبيع عمري لأجل حبة رمل ما أحد ينولها
هذا كلامي سيدي وأستأذنك ختم القصيد=قصيدةٍ لي الشرف يومي وقفت أقولها[/poem]