دمــوع مـــايــا

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

طـرى لي مـا طرى من دون لا أدري = و شربت من البحر ما أروى ضـمـايا
نـشـف ريـقي وأنا اجـادل لنـفـسي = و بـعد فـكرت إلـى كـلي خـطـايا
أدوّر مـيّ هــايـم فـي هــواهــا = و أغـارت من هـواي لـمي مـايـا
وإذا قـلـت إن مـي تــغـار مـنـها = أشـوف دمـوع مـايـا في المـرايـا
وأراضـيـها وأقـول ابـغى ابتسـامـه = تـبيـّن فـوق خـدك والـشـفـايـا
فـدى مــايـا تـرى روحـي و دمـي = ولا تــنـشـد كـديمـيس الهـدايـا
و أقـول الشـعـر فـيـها واتـغــزّل = بتوصيفي لها كـثـروا عـدايا
و نـظـمت حـروف شعري في غـزلها = و بنات الفـكر أسـريـهـن مـطـايا
تـبــوج من الفـيافي كـل صحـصح = و أرقـيـهـا جـبـال الـهـامـلايا
تــرادّم كــنـهـا داجـي ظـلامـه = مــزون(ن) ما تـغـادر عـن سـمـايا
ولـيـا دار الهـوى مـن يـام يـمــّة = تــرازم كـنـهـا جـمـع السـرايا
لـيــا جـتـها الأوامـر مـن قـيـادة = تـوحّـد صـف للـقـايـد تـحـايـا
وجـاء نسـنـاس ريـح الغـرب عـالي = غـشـاهـا و الـرعـد لـه عزف نايا
بــرادة مـن عــلاويـهـا كـسـاها = وسـيـح ادنـى الغـيـوم ارسل شضايا
شــضـايـا المـاء و لا يشـبه سقوطة = شـضـايـا للقـنـابـل في الشـغـايا
شـغـايـا قـلـب الأمـّة في عـراقـه = و في الشـيـشـان و أفـغـان الـزرايا
وفـي الســودان والقــدس الأسـيـرة = وصـمـت الـذل صـومـال العـرايـا
وتـحـدّر سـيـل وبـلـه مـن رباهـا = وفـاضـت بـه خـبـاري والـركـايا
وسـرايـا الـنمـل فـرّت مـن خِـباها = و تــزبـن للـرُبى خـوف المـنـايـا
ب نـجـم الـوسـم والهمّــال ديمـه = يـسـاقـي كــل روضـه في حـمـايا
ربـت بـعـد القـحـت مـنـه المنابت = و زخـرف بــذرة بـكـل الـزوايـا
لـيا اكـتـملت ءسبـوعـه كـل بـاذر = تشـابـك والــمـذاري لـه حـجـايـا
و هـشـيـم الأمـس تحـيا به غصونه = و يـحـمـد خـالقـه جـزل الـعـطـايا
جـذوره بـعـد رويّـت فـي ثـراهـا = تـفـز غـصـون مـن فـقـده ذوايــا
يشـاف الـغـصـن بادي بـه خـضاره = يـزيـد افـراح رعــيان ورعــايـا
و كـسـاه من الـدفى شـمس الضحاوي = و حـمـاه اللــه مـن بـرد السـرايـا
وبـعـد عشـريـن يـوم ويـوم واحـد = تـقـول الأرض كـاسـيـها غـطـايـا
تـنـاويـعـة و تشـكـيلـة مـروجـه = خـضـار ومـاء وحـسنات الصـبـايـا
ولـو مـع مـي تعـقـد صـلـح مـايا = نـسـى مـد الـنـظـر كـل القـضـايا
وبـنـيت خـيـام لأصـحـاب ورفـاقة = جـمـوع الـعـز هي غـايـة رجـايـا
بـعـد مـا أرضـى إلـهي في فـروضه = و أبــر بــوالـديـنـي و الـدنـايـا[/poem]