الضيف

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبا مرحبا والضيف غالي علٌيه=مرحبا غيبتك طالت ياعذب السجايا
معك راحت تراحيب الغلا سرمديه=كلها .. بين مقدار الغلا والحمايا
لعنبو غيرك .. اقلط ..وين غيبتك ذيه؟= مابقى في حبيبك من غيابك بقايا
والله انه لونه ابعيد دربك وجيه= انك اقرب من الخافق لعــوج الحنايا
ضعت مع رمشك اللي له اظلالٍ وفيٌه=اشهد انه بمحبوبك امسواً سوايا
وتهت مع جمرك اللي مختلط فــبرديه=وهرج مملح تحلا بعد مر الشفايا
وقد مياس مترف ما بعد شفت زيه=انحنى في ظلاله كبرياء الصبايا
بين صدرك وعنقك لبةٍ مهميه=مت فيها ضماء قبل اوردك يا الثنايا
وشعر مغرور ما قلد بذيل العبيه= لا انسكب صب ليله في بياض المرايا
كل ما فيك باذخ!! صعب يوجد حليه=قصرت في حقوقك ذوق كل الهدايا
انت تحفة .. تحف .. في يد بخيلاً وعيه= والله اللي عطاني اياك جزل العطايا
زهرةٍ من زهور افياض نجد العذيه=بين حد اقحطان وبين حد الطنايا
ابدويه تربت في طقوس احضريه= الوكاد .. ان اهلها محتمين السرايا[/poem]