((أجرمت فيني لعنبوا جدّك الجد))

أجرمت فينـي لعنبـوا جـدّك الجـد
مثل (اليهود) أجرامهم في فلسطيـن
حطيت لي من وين ماجيت لك سـد
وأحرمتني حتـى صـلاة المصليـن
عقب التواصل والوفاء صرت لي ضد
وأصبحت أنا وياك يازيـن حزبيـن
أن كان قصدك درس في منهج الصد
ناتج دروسك ناظـره داخـل العيـن
عذبتنـي وأسهرتنـي والـغـلا ود
ماهـوب لافرقـا ولا طعـن سكيـن
الحال مـن فرقـاك بالحيـل منهـد
من شاف حالي قال لا حّول مسكيـن
وصلت في دعواك لين آخـر الحـد
إلي متـى وأتبـع طريـق المقفيـن
أرجوك ترحمني وترسل لـى الـرد
قـرار مستقبـل غـرام المحبـيـن
إما تجـي مشتـاق وتعانـق الخـد
وإلا بـلاش تصـد وتقـول بعديـن
خل المعاند عنـك دام الحكـى جـد
كلمه صريحه منك تسـوى ملاييـن
مانيب لا قـدّك ولا نيـب لـك نـد
مدام قلبي تحت حكمك مـن سنيـن




الله عليك ياااخالد اشعر وكأنك تكلمت بروحي ولساني واحساسي


الله عليك صح لسااانك مبدع وماتحتاج لرأيي انت فعلا فنان في رسم المشاعر


الله عليك وقصيده عانقت مشاعري بشكل كبير جداااا

قصيدتك جميله جدااا



اتمنى لك كل التوفيق


فمان الله