سولف..وانا اسولف من الراس للراس !!

اخواني واخواتي ...

سولف وانا اسولف من الراس للراس...مشاركة اخرى..بين ايديكم

الاهداء الى الاستاذ عبد الله مران...


[poet font="Simplified Arabic,4,black,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
سولف وانا اسولف من الراس للراس=ياصاحبي وانته تعرف الحكايه
الحبر دم...وساحة القلب قرطاس=واكتب من هجوسي حروف الوصايه
الصمت ماهو ياريش العين نوماس=والهرج طبي ياغلاي وهوايه
والشعر من هم ومعاناة واحساس=ماجيت له يانور عيني هوايه
انا الوحيد اللي يحبك من الناس=صدق الغلا ماهوبكذب ودعايه
حب بدوي ماطوى قلبه الياس=ولاغيرو عشاقة الراي رايه
سافرت لك تسبق خطاوي الانفاس=ونسيت لعيونك شقاي وعنايه
جيتك معاليقي من الوصل يباس=وملامحي ما ا ستوعبتها المرايه
اقرب قريب يقول لاباس لاباس=ولاعدوي حطها بي وشايه
وانته توديني بعيدات الارماس=بين البدايه واحتمال النهاية
كني وريث كليب في حرب جساس=هذاه كان انك قريت الروايه
الزير حاربهم على قب الافراس=وانته على القلب احترفت الرماية
العام حبك ماله حدود وقياس=واليوم من ظلم المحبه كفايه
ان ما نظمت مع الذهب عقد الالماس=ما ابغى سنا ضوك ينور سمايه

وتقبلو تحياتي......... معيض العتيبي
[/poet]