نايف العليان

[align=center]بسم الله والصلاة والسلام على رسول الله[/align]

[align=center]هذه الابيات صدى لقصيدة الشاعر نايف العليان التي سبق وان نزلت هنا في المرقاب
وانا من هنا اشكر الشاعر نايف العليان على ما اورده في قصيده وهذه الابيات تعبر عنما في نفسي تجاه هذا الشاعر المبدع رغم انني لا اعرفه الا من خلال منتدى مرقاب ولكن كرم اخلاقه وشعره فرض علي ان ارد عليه بهذه الابيات رغم مشااغلي المتواصله في هذه الايام


ارجو قبولها كماهي[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تشظي ياعود الهند في مجمر التبخير=وعم المكان اللي تحاشد مساييره
صلاةالنبي احسن ومسك الخشب تبرير = للإعجاب في قاف المغني وتسخيره
من البارحه فالجنب الأيسر اثر تخدير= وانا ما اقرب المحظور ولا اشرب البيره
لكن البيوت اللي على منهج التطوير=تربع بوسط العقل وتشد تفكيره
لإن الشعر خافق وشريانه التفكير= والأبداع يملا خافق الشعر تاثيره
هو النايف اللي خصه الوسم بالتبكير=وعانق علوه واتخذ ديرته ديره
توحد فصول العام في قمته وتصير= على نابت الوسمي وصادق تباشيره
ولآ ذعذعت من حروته نسمة التنوير= يشرع لها متضايق البال ازاريره
غرور التميز فرع من شجرة التغرير= تقرب لنعش المبدع اول مساميره
ومبدا الكمال يشابه اسطورة الاكسير= ولا يوجد المعدوم كثرة مداويره
جزا الله شعرٍ يوم سولفت عنه صغير= زرع في عيون اقراني الشك والحيره
وانا وانت يانايف وردنا لجم البير= واخذنا العبر من سوء حالة مصاديره
وانا مامدحتك لن مدح العلم تشهير= كأنك تنقص من مقامه وتقديره
ابي حاضرك غصنٍ يغني عليه الطير= ومستقبلك غصنٍ يغرد على طيره[/poem]