الخطوط

السلام عليكم ..



بيوتات بعد الغياب ارجو ان تنال اعجابكم ,,,

..
..
..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياراكب ٍ لي ماتزينه الخطوط=فيه التحدي وانتماء المعجزه
حتى اشراه من الوكالة له شروط=قبل ثلاث شهور لازم تحجزه
كلاً تغنى بــه ونقط له نقوط=ونصف البشر يروح عمره ما احرزه
الموت في شكل الرفارف والجنوط =وفساحته كنها فساحة منتزه
لولا اللتحامه تحسبن مابه ابلوط=تركيبته تخفي البلوط والاقفزه
فيه الوقار اللي على الدقن القلوط=ودماث بنتاً مكرمه ومعززه
شوفه يخف من المشاكل والضغوط=تقول في جذب النظر معه اخرزه
لا مره الفيكسار يضرب له سلوط= جنديً تهيأ عند قائد مفرزه
بنزاً ..خذا من شهرته خمسين نوط=تاريخه الحافل رفعه وميزه
ياسايقه لامن تساون الخطوط=صك الحزام وفل صدرك وارمزه
يأتيك كنه ما خذاً في الجنب سوط=ترى مسير الهون شيً يقلزه
حده على اللي لا بغى الحاجه يحوط=ماتقنعه شرح العلوم الموجزه
الصاحب اللي له على الفزعات شوط=والشوط الاخر يعوزه ..مايعوزه
قله ترى الدنيا صعوداً في هبوط= والغيث دمعات الندم مانفرزه
مانيب متامل على اليأس القنوط=انا لزومي لا بغيته انجزه
ولو فكر انه في سواياه امغبوط؟=يشره على شمر وترضيه اعنزه
اما يبنط زاويه بين البنوط= ولايسريها معاه امغرزه
وش فرق واشنطن على انواكشوط؟ هذيك ملعونه وذيك امقززه
والظن يا اهل الطيب ماهوب محطوط = الا على اللي في المواقف تحرزه
حنا عرب !! والعلم ما يبغى شروط=والعلم لاكايد ولا هو معجزه[/poem]