تجارب

.


احبتي في منتدى المرقاب بعد التحية اليكم هذا النص لعله يحوز على رضاكم


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طرالي ما طرى والنارحيه=ولاح البرق والنية مطيه
ابزيد الحطب والنجر ادنه=وعلى اليمنى نسوق الشاذليه
لراع الذوق من فكري لفكره=سواليفٍ عذياتٍ طريه
تفيد المستمع واللي يبيها=يشوف التاليه والاوليه
وياخذها على عينه وراسها=معاني تربط بالمعنويه
بدايتها سلام الله عليكم=قبل شرح السواليف والقضيه
انا في مدرسة وقتي مكافح=ونفسي من تجاربها غنيه
اوردها على عد التجارب=وعرف اللي لنا واللي عليه
صحيح ان الاوادم كالمعادن=على ماقيل كلٍ له نحيه
بهم رجال بالميقاف عقله=بصير وفاهمٍ هذي وذيه
وبهم رجال عقله يلّعبه=ولوهو يملك اموالٍ رهيه
اليا منه مدح مدحٍ يضره=خطير" انه يعقب الجاذبيه
صحيح ان كل رجلٍ له مكانه=عسى كل الذمم تصبح بريه
ترى رجال يعناله ويعزم=ورجالٍ تكفيه الوصيه
ورجال يهتش ابلا عزيمه=وعزيز النفس دايم واهنيه
حقيقه والبشر دايم تخالف=بكل امورهم صبح وعشيه
واليا دققت بسباب المشاكل=من اجل المال صار الاغلبيه
احد يذعن ويرضى بالتسامح=يازين العفو عند المقدريه
كسب علم الوفا والراس طايل=وحد كنه بعصر الجاهليه
تحصل عيشته وسط المحاكم=يطالب من قضيه في قضيه
مادام انه هوى نفس يسوقه=يبي يارد على حوض المنيه
يقولون الجهاله والحماقه=تخلى الرجل ياقع بالخطيه
يمر الوقت والدنيا دواير=وتبين اهل الشعارت الخفيه
رجاجيلٍ ترى الشرهه عليهم=تحصلهم بضل العنصريه
وترى كم شاعرٍ بالدرب غادي=يسب الناس وموره رديه
يجي له يوم مهما طال عمره=يشوف الغبن بالعين اضحويه
ونا ماقلتها بالناس شامت=نصيحه والطواريق ابرحيه
فلا شك الفخر في طاعة الله=وصلى الله على محمد نبيه[/poem]


.