احـوااال الأسـهم ...

المشاركة الأصلية كتبت بواسطة ياسر العتيبي

[align=center]السلام عليكم ورحمه الله وبركاته

حال الاسهم هاليومين يجيب المرض !! لذلك طرت وجرت

ولمن لايعرف جماز السحيمي فهو رئيس مجلس إدارة هيئة السوق المالية (( سابقا ً ))

اقدم لكم هالابيات عسى ان تنال من الرضا مايشفع لوجودها هنا ..


[poem=font="Simplified Arabic,5,black,normal,normal"
bkcolor="transparent" bkimage="" border="none,4,gray" type=1 line=0 align=center use=ex num="0,black"]
وش تغير عقب ( جمّاز السحيمي ) ؟!=حال الاسهم يوم زين ويوم شيني
الحلال وراح والمشكى على الله=يالله تزين حوااال المسلميني
اختلط وضع الحوابل بالنوابل=بين مستثمر وبين مظاربيني
احد فاهم واحد يدرجها وتمشي=حظه ايقديه وسط الغافليني
ودامك اتابع شريط ( ام الخساير )=فااحلم ان الخاطر ايقر و يزيني
كنها جمره وطاحت وسط قلبك=شرها من ( البطين ) الى ( الأُذيني )
ابتسامتك ان لمحت السهم ( الاخضر )=كثّر الله خيرها ان جت ساعتيني
ينكس ( احمر ) ثم تعوِّد ماتكلم=كنك اللي فاقدله غالييني
واما انا لامن لمحت السهم ( الاحمر )=الحظيظ اللي يجنّب مايجيني
المرابح !! وش ندور ؟ .. للمرابح ؟!=المرابح روّحت للأوليني !!
واليقين اللي به الشكّات تقْطع=واضح ٍ مايختلف عنده ثنيني
من سلم منها وريّح من غثاها =اشهد انه من عداد الرابحيني[/poem]


ودمتم بخير
..[/align]

انا اشهددددددددددددددددددددد



ياسر العتيبي


لله دررررررك كتبت فابدعت


واسئل الله ان يخارج المسلمين من هم الاسهم وانا يامحاكيك والله مارتحت وعينت خير لين فاركت السوووق



تحياتي وتقدير لك



اخوك