يا شوق .. ورد " يا شوق "

[align=center]أرسلت هذه الأبيات للغالي الشاعر محمد المنيع


معبرا عن شوقي له


/
\
/
\
/
\


[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
" قلبي " يغثّ أهل البلد .. كل مـا نـاح=من " قوّ " نوحه .. من شموخي .. طرحني !
ما فيـه داعـي .. للسعـاده والافـراح=مـا دام مصدرهـا .. ببعـده نزحنـي !
عقبه " رياض الخير " مسكونه .. اشبـاح=ساد الحزن والشـوق سيفـه جرحنـي !
يا ليت روحـي قِسّمـت عـدة .. ارواح=عشان أردّ الشـوق .. لا مـن نطحنـي !
إي والله ان الشـوق .. طاغـي وذبّـاح=ليتـه قبـل مـا زاد فينـي .. ذبحنـي !
اقسـم بـرب البيـت .. مانـي بمرتـاح=يا شوق .. باقي يوم تكفـا ،، أرحنـي !
هذي تراها .. قصتـي ( كـل مـا فـاح=شوقي عليّ ) وفـي زفيـري .. لفحنـي !
اكذب عليه .. وكل يوم(ن) لـي سـلاح=إمـا .. بشعـري ، أو بصوتـي ولحنـي !
وانبحّ حلقي .. والشعـر صـار فضّـاح=بيـن القرايـب والبعايـد .. فضحنـي !
وأقول : هو ينزاح .. واثره .. مـا انـزاح=ان متّ من شوقي " يابو نجـد " بحنـي ! [/poem]

.................................................. ...........................................





فكان رد الشاعر / محمد المنيع بهذا الهطول المشرف



[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حد الغروب ! وواهج الشمس قد شاح=واوّل تباشيـر الشفـق .. تكتسحنـي
ناضت على غيمي ! مثل بارق(ن) لاح=قوافـيٍ اللـي ! بالقوافـي شرحنـي
الشاعر اللي خاطـري منـه منسـاح=عطيّـة الله ! يـوم مـنّ ومنحـنـي
هلّت مثل وبل(ن) من المرهشه طـاح=أسقت من المحني ! ليا حـدّ محنـي
يوم استتمّت ! عوّد الشـوف وانبـاح=واغضيت عيني عن عذول(ن) لمحني
خوفي يشوف الملح ! فالخـدّ وضّـاح=يومه رسمنـي ! ثـم لـدّ ومسحنـي
ياطارق ادمح ! واعذر السد لو بـاح=ترى زناد الشـوق ! ثـار وقدحنـي
عندي (هبايب نجد ! والقيض) ملواح=والطير قلبي ! مير عقلي .. كبحنـي
يابو زياد .. الفكـر ! نـازل ونـزّاح=أسري معـه والهـمّ يامـا شبحنـي
لتراب نجد وعقبهـا الضيـق ينـزاح=ماهمني مـن ذمنـي ! مـن مدحنـي[/poem][/align]