اليا ضميت آرد واصدّر على عد

كيبورديه طرت وجرت والسموحه :[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


الشعر مثل السيف في بعض الاحيان=واشره على رجـلٍ يدينـه تراعـد
اليا قضبت السيف فرقت الاخـوان=الـراس ومتونـه بحـده تبـاعـد
ماهو طرب لملاعب فـلان وفـلان=اليا ضميت آرد واصدّر علـى عـد
للشعـر نقّـاده وللخيـل مـيـدان=وبيني وبين الشعر حـب ومواعـد
واللي يبا يدمح غلط كـل غلطـان=يصبح درج للكـل نـازل وصاعـد
ياثقلها لو تنـوزن فـوق ميـزان=وياخفهـا لاجاتنـي مـن مساعـد
من لابتي ربعي طويليـن الايمـان=افخر بهـم مابيـن واقـف وقاعـد
ماني مدور يا ابيض الوجه حقـان=واقول لك عد الحقايق وانـا اعـد
بلعتهـا مابيـن زايـد ونقـصـان=من شايبٍ واصـل لسـن التقاعـد
من لاقبل عـذر المشاكيـل ندمـان=ولابه مطر من دون بـارق وراعـد
لوكان ماجاني عذر مـن كحيـلان=انا بفضـل الله عزومـي تصاعـد
مادام مانـي قصّيـر ذراع ولسـان=على العفو ربـي يعيـن ويساعـد [/poem]