فهد بن محمد المقبل وقصيدة الخليج العربي

فهد بن محمد المقبل التميمي

شاعر ملئ بالفكر الناضج ويملك ادوات النقد الجيده
أتمنى أن تعرفوه أكثر مع هذه القصيده التي تلامس قضايا جدا حساسه..
وحتى لاأفقدكم متعة الاحساس أترككم مع هذا الإبداع..وصدره مشرع بكل الحب للنقد البناء..

[poem=font="Simplified Arabic,6,darkred,bold,normal" bkcolor="transparent" bkimage="" border="ridge,10,teal" type=2 line=0 align=center use=ex num="0,black"]
ترى العتب بين المحبين مسموح= لاصارت ايام العتاب معدوده
وان زاد في حده_مع الهم والنوح_ =على المولع قام يحشد حشوده
واصبح كما لبنان في حرب مفتوح= بين الدول وشلون يثبت وجوده
هذا ولاله من ورى الحرب مصلوح =عدوان مايدري من اللي يقوده
الا ان بعض الناس ياناس مفضوح= واحمد نجادي يعتزي في جدوده
والطبخه اللي مابعد جالها فوح= ماهيب لانيه ولاهيب سوده
فنجالها فيمامضى يبري جروح =واليوم يمكن كل جرحٍ يزوده
يالفرس ماتذكر لنا فعل ممدوح= ماتذكر اللي قاد يمك جنوده
اللي سقاك الموت من سم ذرنوح= بارماث واغواث وهرير الفهوده
هذا الخليج اليعربي مابه مزوح= غصبٍ عليكم يالنفوس الحقوده
من قال عنه الفارسي قلت مكبوح= ماهي على كيفك ترسم حدوده
دونه رجاجيل تفاديه بالروح =ارواحهم دون الخليج مهدوده
امنوَل اعدانا تبين كما الضوح= قدام تشغلنا عيال القروده
واليوم كلٍ يقطع العهد ويروح =والصبح من بكره يخالف عهوده
والوضع مايحتاج مشروح مشروح= ماعاد نبغى شرح نقصه وزوده[/poem]