(( دفـعـة بـــلا ))

مبطي عن المواهب .. وجبت هذي ..
اقبلوها مني ..

:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لا تكتم اللي جيتني تبغى تسولف به .. وقول=ولا تترك بصدرك حكي مادام بالحكي امتلا
أو تدري اسكت..واسمع لـ شيٍ بقوله لك .. يجول=بوسط صدري له ثلاث سنين والحين انجلا
ليه الورود ان جبتها عندك بدى فيها الذبول؟=وليه الفرح يغمرك في تخريب عذّال الملا
صيفك معي طول السنه على مدار اربع فصول=والشكّ فيني داخلك على مشاعرْك اعتلا
بالله قل لي كيف ابي ألقى لأسألتك حلول؟=إن قلت لك ( لا ) مشكلة وان قلت ( ايه ) تقول : لا !!
لا صار مالك رغبةٍ فيني وتشعر في ميول=وش ذنب صدّي مع عدم صدّي وكلٍ مبتلا
شيٍ معقّدني وأنا لأجل اعرفه عندي فضول=( تكشيرتك ) وش هي علاقتها بقولة ( ياهلا )
دام اجتمع فيك "إبتسامة خبث"و"عيون الخجول"=لا تلوم غلّي لا ظهر مني على هيئة غلا
مشكلتك إنك تنكِرِه رغم ان بك بعض القبول=ومشكلتي اصبحت ابغضك واقول لك كلّك حلا
وشلون قلت ان بك ثقة عميا بنفسك ؟ والذهول=عليك واضح يوم شفت القلب عن حبك سلا
كم مرّه آسولف مع نفسي وابرّر لك واقول :=مافيه إنسـانٍ من الأخطاء تلقاه ايْخلا
بس انت غير وكل أخطائك معي صارت تحول=مابيننا وانا اعتبر ماصار ذا..دفعة بلا
وألحين هات اللي تبي تقوله وهرجك لا يطول=وتأكد ان اللي رخص عندي من الصعب ايغلا
أو تدري ؟ اسكت لأن ما ينفع معي مهما تقول=وماعاد تفرق امتلا صدرك حكي أو ما امتلا[/poem]


:

وسلامة قلوبكم .