( واااااااسطه واااااااسطه )

السلام عليكم ورحمة الله وبركاته





قصيده جديده بسيطه تقبلوها ....

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انثنى الليل ثلثينه وبيّن هجاده = في عيون المعنّا لين نزل جبينه
فارس ٍ جار وقته لين طشه جواده = وش يسوي بسيفه دام قصت يدينه
يقفي الحزن ثمّ يعود وان عاد عاده = الوهم من يساره والقدر من يمينه
كل الاشيا تضيع وفيها امل للاعاده = لكن اللي مضيع في حياته سنينه
قالوا الصبر؟ .... قلت النار يبقى رماده = قالوا الموت ؟ .. قلت العمر حاجه ثمينه !!!
قالوا الصبح ؟ قلت الصبح شفتوا سواده = قالوا الليل ؟ قلت اسكون ماهو سكينه
قالوا الشعر ؟ ... قلت وهو ناقص / زياده = داينٍ يستدين الدين ويسد دينه
مابقى شي واحد يستحق السعاده = مابقى شي واحد يستحق الغبينه
قد سمعتوا غريبٍ عايشٍ في بلاده ؟ = عمركم قد سمعتم بإبتسامه حزينه
كل ماثوّر الوقت الردي من زناده = دق سلفه وراح يدور بأرجاء المدينه
ذاك متدينٍ جاهل سمع بالشهاده =غرروبه خسر دنياه ثم خسر دينه
وذا فقيرٍ ماهو لاقي مع الناس زاده =وذا غنيٍ يحسب العز مال وخزينه
وذاك راحت سنينه لين جاب الشهاده = واخرتها موظف بند والا كبينه
واسطه واسطه ياجعلها للاباده = تشعل الظلم وتشب الفتن والظغينه
ليه تنساد اسود ؟ وكيف تنساد ساده ؟ = لامتى والقلوب الطيّبه مستهينه
الشجر كانه اعلن للملا عن فساده = من يلوم الورود الفل والياسمينه[/poem]

..