يراااق الخيااال

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
طالت الخطوه بدرب الشقا والدرب طال = كلما قلت انتهى مادريت الا ايتديه
والا ماني ماكتب لي بخطوتها مجال = قبل لاابدا دربها الدرب رجلي تنتهيه
صارت الايام عندي مثل سود الليال = الفرج طول غيابه ومليت احتريه
طول عمري كلما خلت براق الخيال = اصفقته الريح عني ورى واقفت عليه
احتمل صبر الضما في رجا شرب الزلال = الزمن قاسي وانا كل شىء محتسيه
حاسب(ن) للهجر قدام لاحسب للوصال = واعرف ان اليوم لابد يوم(ن) يقتفيه
بس ماكنت اعرف ان الغلا سقم الرجال = لين كدر لي حياتي ونومي لا اهتنيه
النهار بحال والليل تلقاني بحالي = مال هم(ن)في ضلوعي مثيل ولا شبيه
شاغل(ن) روحي واظن اللقاء وضعه محال = استباح الوقت سدي وذا اليوم ارتجيه
مخطي(ن) راع المثل في كلامه يوم قال = من يدورله على شىء يالدنيا لقيه
كم غدا لي في زمان الشقا من راس مال = بس ماالحقته حسايف ولا فكرت فيه
قبل اشوف مع الجفا للموازين اختلال = النوايا غير لو الوجيه هي الوجيه
يالبيب القلب ماعاد فالدعوى احتمال = الغبي من يحسب انه مااحد غيره نبيه
لا تقول ان الجفا صار فيك من الخصال = والوفا عذروب في كل حال ولا تبيه
استخير الله بعد رحت بالحب وتعال = خل طعم الوصل عقب البطى منك ارتويه
مايزين الكيف ياكود في صفر الدلال = وانت من قلبي يحبه وعيني تهتويه
اشهد انه ماخلق فالبشر غيرك جمال = ياجمال(ن) من يشوفه على الموت يحديه
كيف تسخيبك يمين المحبه للشمال = والنتيجه خاسر(ن) من تفرط بك يديه
لو تزول الروح حبك بقلبي مايزال = ساكنه وحده عن الي سواه ومحتميه
مثل ما تحمى وجيه الرجال من الرجال = الدخيل الي دخل فالوجيه عن الوجيه[/poem][/poem]