نـتايـج حـب ! اجفى حبيبك تكشفه لاجفيته ....!:* صوتيه

بسم الله الرحمن الرحيم



اعتذر عن غيابي وذالك لضروفي الصحيه

واترككم مع هذه القصيده المتواضعه اتمنى ان تنال على الرضى ,





للإستماع
[rams]http://diwan.mergab.com/members/clips/Mergab-hqfDjlN62s.rm[/rams]

لحفظ القصيده بالصوت إضغط هنا حفظ الهدف بإسم



[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا عاد تسألني عن ايام واحباب = تعال وسألني وش اللي جنيته
جنيت من وقتي بهاذيل واتعاب =واحباب عمري هدوا الي بنيته
في هالزمن حتى المناعير ترتاب =والحب صدقه فالبشر مالقيته
لان البشر صفحة طلاسم من كتاب=ماتفهمه مهما رجعت وقريته
عندي دلايل مالها عد واحساب=والتجربه برهاني اللي خذيته
سو اختبار وغيب لو مابه اسباب= واجفى حبيبك تكشفه لا جفيته
تلقاه بغيابك يعاشر له اجناب=باعك مع إنك بالموده شريته
ماكنك اللي كنت له ستر واحجاب =ماكنك اللي من حياتك عطيته
صار الهوى لعبه ويحتاج لعاب=مال الوفى داعي مع اللي هويته
الحب صاير شي ماهو بجذاب=كل يوم يدنّس وينباع صيته
بعد ماكان احساس من قلب واعتاب= اصبح مجرد لعب يوم ٍ بديته
الحب اطهر من بلوتوث واعجاب=واشرف من اللي دنسه في مبيته
ياما وفيت وكان صدقي لهم باب= ياما عطيت وحق نفسي نسيته
ماصاب ضني كثر ماغدرهم صاب=ناموا وانا ياكم ليل ٍ سريته
اصدقّهم اللي كان جاحد وكذاب= واطيّبهم اللي باع قلب ٍ شريته
مافاد كثر اخلاص قلبي ولا جاب=غير الألم ووجاع يوم ٍ قضيته
والله ماطابت جروحي ولا طاب=هم ٍ على ربي بديت وشكيته
ياللي تنشدني عن اقلوب الاحباب=هذي نتايج كل قلب احتويته [/poem]
~*? فهد بن صنهات الديحاني ?*~










’