هبوط اظطراري

متواضعه نرجو من الله ان ترتقي لسمو ذاائقتكم( صلو على النبي)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ياسعود جسم الآدمي قلب ولسـان=والكوبره والطق شغـل الحبـاري
ياسعود همي هم واحزاني احـزان=وراسي على كثر الصواديف ضاري
هموم تاكل ثومـة القلـب يافـلان=وألها على وجهي صدوف ومواري
لها مخالب طيـر حدمـان جيعـان=مخالبـه تشبـه لحـد الشبـاري
في لجةٍ تبعـد علـى كـل عيـان=والغرب تجذب لـه شويـة ذواري
ثم صار جسمه طير من غير جنحان=كاتف على راسه وطيـر انتحـاري
وقلبي ( زريق) وصار لطير نيشان=ويضرب وينثر من همومي شواري
وهم النهار يزول ويـروح نسيـان=تدله مدامك بيـن بايـع وشـاري
ولقفا النهار وصرت حزت مسيـان=تهبط على قلبي هبـوط اظطـراري
وان قلت ليش الليل قالت على شان=تتعب ويتعبك السهـر والمسـاري
وقامت تشيل الانس وتحضر الجان=والفكر به تسعين كاتـب وقـاري
احدٍ يقول اكتب لنا عـن سليمـان=واحدٍ يقول اقرا صحيـح البخـاري
وهدهد سبا عايش على مر الازمان=شاهد بدر واليـوم ذات الصـواري
وشيدت لك من جوهر الفكر بستان=اسمـع وردك بالبيـوت اختيـاري
وختامها شاعـر وغنـى بقيفـان=والنقص وارد وانت خلك حضـاري
وصلو على من جاب للحق برهـان=عداد ماجهـز جيـوش وسـواري [/poem]