شرايح المجتمع

[align=center]اخواني المرقابيين

السلام عليكم ورحمة الله وبركاته


قصيده متواضعه ارجو لها القبول[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشوق والحرمان واشباح الاوهام=اشيا تعدي صبر الانسان حده
منها شريد الفكر محتار الاقدام=في ضيق حتى الشوف عجزان امده
اسري مع الافكار والناس نيام=مسرى المود اللي يدور موده
عوب الهواجس تاخذ القلب بالزام=هجسن يقفيبه وهجسن يرده
مدري متى استانس بتحقيق الاحلام=سوال عنده طول الصمت مده
يعلمبه اللي بالخفيات علام=ربن نساله خير جوده ومده
بين الروابط والضوابط والاحكام=الادمي يمكن ظروفه تحده
والمجتمع حسب اختلافات الاحجام=شرايحه في كل الاقطار عده
هذا بخير وفي مسرات وانعام=وهذا حواله مثل ماقيل قده
تغيرات الوقت عامن باثر عام=مرات في راحه ومرات شده
فيه البخيت اللي مصلي وصوام=والعون من غير الولي ماستمده
قناعته تسوى ملايين الارقام=واللي قسمله في حياته يسده
مادامت الدنيا ولا عزها دام=لهل البيوت العامره والاشده
واكبر مثل تحطيم تمثال صدام=اللي عدو الدين والسلم هده
بامرن ينافي للشريعه والاسلام=يستخدمه فوري ولا فيه ضده
خلا العراق اجزاء مباغيض واقوام=تفنى القرون ومالكه ماسترده
دايم وصكات الليالي والايام=منها رزين العقل يفخت بسده
يالله بنون راعده يرزم ارزام=والبرق في منشاه كنه يقده
يسق الديار الممحله عدت اعوام=وياخذ سنه والسيل كلن يعده
لين النبات الوان واشكل واقسام=تلقاه فارجاء الديره المجرهده
يرعونه البدوان ذيدان واغنام=رزق المتاحي مثل رزق الموده
انت الااله اللي بالاحوال علام=فردن صمد نرجو ثوابه ومده[/poem]