ثلاث شهور

سلامٌ عليكم ,
وصُبِحتكم بالخير يالمواهب
بما انّي قاعد اريّح ضميري وانشر القديم ذالايام ,
استقبوا ذي وعليها اكثر مما لها على قولة الموقي

[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذعذعي ياهبايب وإلعبي بالمعنّا=وإدخلي في حشاه وبيّحي مايكنّه
الصّدر غلّق , وبه بيت همّي مبنّا=والمعاليق ترجف رجف وتحنّ حنّه
السّدر فوق غصنه نايح الورق غنّا=هيّض القلب نوحه لين ماجرّ ونّه
أتمنّا ., ولكن لامتى بآتمنّا=أكتب الحلم , وصدوف اللّيالي محنّه
النصيب إيحداني للعنا , وآتعنّا=ومثلي ؟ إيشيب راسه لو على صغر سنّه .!
ماتبعت المقفّي , لو وراه آتهنّا=وراعي المنّ , منّه ؟ ماترجّيت منّه
وأنت ياللّي ثلاث شهور من غبت عنّا=غبت عن عاشقك والطيف ماغاب عنّه
وش تبي بالقطاعه ؟ قول وش جاك منّا ؟=في قطاعتْك نار , وفي مواصلْك جنّه .![/poem]