تسليه

.

اسمعوا يالربع هذي ماهيب قصيده ولا ترتقي لمسمى القصيدة أصلا بل هي مجرد مداعبه وتسليه وترويح عن النفس ، فلا تحسبونها علي <<< تراه جاد


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لي حبيبٍ يرفع الضغط يابو نوت=رجةٍ مطفوق يحتاج وزنيه
بس لا جيت الحلا والله انه موت=من كثر زينه خطر يعشقه خيّه
لابتسم زاح الستاره عن الياقوت=بسمةٍ تعطي نشاط وحيوية
وإن حكى خيم على السامعين سكوت=مفردات سياق حكيه رمنسيه
حسنـه الطـاغي ورى غطوته مغموت=رحمة ٍ لاهل القلوب الهواوية
لا مراهم لا كريم ولـ خلط زيوت=زين صاحبها قصير الصلاحيه
لو يشوفه عابد الجبت والطاغوت=خر ساجد للمّصور عبوديه
نوب ياخذني بـ وصله ونوب يشوت=لاعبٍ بي لعب جيري بتوميه
مير يشفع له غلاه وحمار التوت=والأمور اللي مثل هاذي وذيه
من كثر مانيب أوده وأحبه موت=صرت أمتّر شارعه كل عصريه
لا طرالي قمت اغني واجر الصوت=نوب يا دانه ونوبٍ هجينيه
قلت فيه اللي ماقاله عقاب لنوت=شي بالفصحى وشي بالنبطيه
أطلب الله واسأله في دعا وقنوت=يحفظه لامــه ويخليّه لابيّه[/poem]



.