عذر مكرّر..!

لـ التواصل .. اتمنى لها القبول ..


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مدري اذا تدرين باللي في بالي=ولا تبين آبينه قبل لا آروح!
كنت اذكر اني راسمك في خيالي=ظل وحمام ابيض وتغريد ومزوح
ما كان حالي قبل اعرفك بـ ( حالي )=ولا كان شكلي قبل لا اعرفْك مملوح!
جيتي وجبتي لي جواب لـ ( سؤالي )=من يعطي لـ ( سيّد ضلوعي ) بعض روح؟!
لكن قبل لا افرح ويكمل وصالي=طار الحمام وشح بـ ( الفيّه ) الدوح!
قلبك رحل ، وانا هنيّا بقى لي=حزن وبقايا حلم وإحساس مجروح!
شمّاعة اعذارك ( ظروف الليالي)=لو إنها عذري فلا نيب مسموح!
حتى لو انه جاز لك .. ما طرى لي=اتذرّع بـ ( عذرٍ ) مكرّر ومفضوح!!
لكن على كلٍ .. اعذرك ولا لي=الا اطعن بنصل الجلد طاري النوح!
جيتك وصمت الحزن يصرخ بـ ( بالي )=ابوح لو ما لي ورى البوح مصلوح!!
اقنعك ولا ما اقنعك .. ما أبالي=اصلاً انا في كل الاحوال بآروح![/poem]