( كمّل الباقي ) .!

الهاجس اللي لـه الريضـان محميّـه
متغانمٍ صيدهـا مـن كـلّ تفّاقـي
اضيق من وحدتي , واسري مساريّـه
والقى معه سلوتي , من شقوة الشاقي
اجيه , لاصارت اخلاقـي تجاريّـه
وماعوّد الا بعد مازانـت اخلاقـي
ياداعي الشعـر بهْجوسـه واساميّـه
ماجيتك الا وانا للشعـر مستاقـي
عليك زينٍ مايوجـد بالعـرب زيّـه
ماينوجد بالصواليـن وبالاسواقـي
احكاك ذرب وتواصيفـك خياليّـه
تتعب خيالي لياخيّلـت , وآفاقـي
يامن لك امن الخصوصيّه خصوصيّـه
في كل ليله تزيد اشواقـي اشواقـي
في سيرتك تمطـر الاقـلام وسميّـه
وايسيّل الحبْر , وتربّع لك اوراقي .!
اطريك في كلّ ذكرىً نارهـا حيّـه
واذكرْك عند الغروب وعند الاشراقي
كفّرت معْـك العلاقـات الغراميّـه
وعنّيت قلبي قبل لااعنّ لك ساقـي
لايبطي الشـوق وتمـوت المحنّيـه
ابغيك في ديرتـي لانـاض برّاقـي
دامك , تجمّلت فيني بالرومنسيّـه .؟
عجّل بموعد لقاك وكمّل الباقـي .!







و الله إنك مبدع بما تحمله الكلمه من معنى


صح لسانك يا أبو محمد مدد
شاعر لا يأتي إلا بما يحوز على الإعجاب
لله درك و الله لا يضرّك











أخوك/محمـــد ال عبـــدان